首頁 日報娛樂

壓力爆煲開工偷偷喊 陳曉華靠學戲開頻道練習

13/01/2022
■Hera認為演技仍屬BB班,負評反而能令自己進步。
■Hera認為演技仍屬BB班,負評反而能令自己進步。

劇集《異搜店》是陳曉華(Hera)首度擔任女主角,她承認拍這套劇時心情特別複雜,除了戲份多壓力大外,正值她首部演出劇集《迷網》收到大量負評,她自爆拍攝時一度壓力爆煲,搞到開工期間偷偷喊。不過被何廣沛大讚EQ高的她,好快積極面對,搵老師進修戲劇外,還開個人網上頻道作為練習。
採訪:杜淑霞 攝影:葉君海 場地:Urban Coffee Roaster

廣沛接受《頭條》訪問透露Hera拍《異搜店》時雖然壓力大,但完全冇影響工作情緒,但原來Hera一度壓力爆煲偷喊,「有次可能廣沛都唔知,有個場口導演好趕時間,講咗句說話,搞到我質疑咗自己,跟住放食飯時我買緊嘢食突然啲眼淚湧出嚟,就衝咗去廁所喊,整頓好個情緒先行返出嚟,連拍檔都唔會知。」Hera坦承已忘記導演所講內容,但感受卻好深刻,「當時感受係『死啦,我係咪呢一世都係咁,啲反應畀唔夠,做嚟做去得呢個感覺』,但喊完食飯又冇事,可能喊完釋放晒。」

Hera被評戲屎後,已即搵兩名戲劇老師惡補,而為了有更多實踐和鍛鍊機會,她更在YouTube開設個人頻道「Hera Chan陳曉華」,「我最終都係想做個好演員,但點解開頻道?都係想記錄吓自己生活,鍛鍊吓自己剪片技巧。(口才呢?)呢個都有好大好處,因為係現場收音,聽到自己瑕疵,將來睇吓自己會唔會講嘢好咗,同埋剪片都進步咗。」

剛踏入2022年,Hera的新年願望都是想拍更多劇集,「想挑戰吓古裝,或者試多啲特別嘅職業角色。我覺得古裝好靚,平時冇機會無端端紥個古裝頭出街,到而家我都完全未着過古裝,最想試吓明朝嗰啲公主look,同埋都想試吓古裝嗰種節奏,會慢啲,我個人好急,都想磨練吓自己,可以訓練到好似古裝人咁講嘢慢啲、斯文啲、有氣質啲。仲有我都想試吓吊威哋,我可以做到打戲,唔怕辛苦,(做打女可能要剪短頭髮?)就算剪短頭髮都冇問題,cut晒耳都OK。」■Hera拍《異搜店》一度質疑自己演出永沒進步。

■Hera拍《異搜店》一度質疑自己演出永沒進步。
■柔軟度好高的Hera,相信拍動作戲有一定幫助。
■柔軟度好高的Hera,相信拍動作戲有一定幫助。
■2020年Hera演出首部劇《迷網》,被網民狂踩戲屎。
■2020年Hera演出首部劇《迷網》,被網民狂踩戲屎。
■Hera早前有跟彭秀慧上堂學演技。
■Hera早前有跟彭秀慧上堂學演技。
■Hera跟何廣沛再次合作,感激對方經常提點他。
■Hera跟何廣沛再次合作,感激對方經常提點他。
■Hera在YouTube開設個人頻道「Hera Chan陳曉華」。
■Hera在YouTube開設個人頻道「Hera Chan陳曉華」。

其他文章
hd