首頁 日報娛樂

拍《鐵拳》零保護拳拳到肉 展鵬多場肉搏打到周身瘀

14/01/2022
■陳展鵬拍劇好投入,打到周身瘀傷都冇怨言。
■陳展鵬拍劇好投入,打到周身瘀傷都冇怨言。

文偉鴻監製,本年首部播出的TVB新劇《鐵拳英雄》由視帝陳展鵬、視后唐詩詠、陳山聰、姚子羚及伍允龍主演。劇中陳展鵬有多場肉搏戲,其中黑獄擂台更是8人大混戰,他要跟陳山聰、伍允龍赤膊對打,零保護裝備下拳拳到肉,打到全身瘀傷,場面逼真,真係視帝唔易做。採訪:方騫平


《鐵拳》被喻為《城寨英雄》的「姊妹作」,後者是陳展鵬7年前的視帝作,故成為亮點。今次故事以5、60年代嘅曼谷為背景,身懷八極拳絕技嘅陳展鵬聯同唐詩詠、陳山聰、姚子羚、伍允龍、王君馨、元秋呢班英雄俠士,以「鐵拳」守護家園。劇中展鵬依然好有發揮,尤其再展身手打到飛起,而且仲會同唐詩詠扮鬼扮馬,監製文偉鴻仲將唐詩詠轉變戲路變成粗鄙、貪心及詭計多端嘅騙子,又大讚新形象嘅詩詠演得入型入格,而詩詠亦要苦練八卦掌,跟大隻佬打到啪啪聲,好專業。
陳山聰伍允龍鬥肌

另外,陳山聰及伍允龍唔止要晒肌,山聰為咗拍決心喺黑獄擂台打死展鵬呢場戲,搵嚟泰拳師傅操咗兩個月,打得有板有眼。王君馨拍前亦跟武指苦練兩個多月,有一場戲擊殺歐瑞偉兩個仔,一招朝天一字馬,無花無假,現場工作人員都拍手掌。至於飾演黑幫千金嘅姚子羚,冷艷機智,都有好大突破。■展鵬多番捨身救詩詠,成功把詩詠撩得心猿意馬。

■展鵬多番捨身救詩詠,成功把詩詠撩得心猿意馬。
■陳山聰及伍允龍鬥肌兼鬥戲。
■陳山聰及伍允龍鬥肌兼鬥戲。
■劇中陳山聰收受兩大黑幫利益,為上位不擇手段。
■劇中陳山聰收受兩大黑幫利益,為上位不擇手段。
■伍允龍被打到黐埋牆,見到都痛。
■伍允龍被打到黐埋牆,見到都痛。
■劇中王君馨精通十二路潭腿,武功剛勁無比。
■劇中王君馨精通十二路潭腿,武功剛勁無比。
■姚子羚冷艷機智,同陳山聰有段生死戀。
■姚子羚冷艷機智,同陳山聰有段生死戀。

其他文章
hd