?>
首頁 日報娛樂

未來想主力做返歌手 吳業坤望今年搵到圈外女友

14/01/2022
■坤哥今年有多個目標,包括專注唱歌、搵女友及讀大學。
■坤哥今年有多個目標,包括專注唱歌、搵女友及讀大學。

吳業坤最近在《異搜店》飾演跟本身反差極大的醫生「Andy」,他直言沒負評便當觀眾接受他演出。入行11年、快將32歲的坤哥,去年到日本工作假期後,令他重新審視人生,更加清楚工作方向,打算先打好歌手基礎,還會繼續進修完成學位,最重要是成功找到個圈外女友。 採訪:杜杜
攝影:沈健程 場地:GolfZon Hong Kong

坤哥接拍《異搜店》演「Andy」時,一直好驚有好多負評,「講到我好靚仔又專業人士咁,究竟會唔會說服到觀眾呢?好彩出街到而家都冇收到啲負評,咁樣又唔係成功,但係合格囉!(演戲進步咗?)唔係話演技,但希望可以有潛質去做到其他角色。」

日前坤哥在社交平台寫上對《好掛住日本》感受「可能係最後一個喺公司嘅旅遊節目」,他承認除了疫情影響,還因去完日本工作假期後,對工作及人生都有了新想法,「自己想專心唱歌,其實都有同公司講過呢個意見,同埋係咪一直會喺公司!?(係咪完約?)仲有段時間,但係都要開始諗呢樣嘢,喺公司咁多年絕對係對我好好,但要開始識諗自己想要啲乜嘢,究竟邊度係最適合我。15年係成功做咗個歌手,但轉頭又繼續拍劇,當然有呢啲機會係感恩,但慢慢又淡化對吳業坤唱歌呢個感覺,所以想呢年開始同公司講,擺返時間喺唱歌。」

除了事業,坤哥還打算今年重返校園,但因選擇困難,會交升學顧問決定讀邊科,「好似有個學位令自己安心啲,而家係興奮嘅,以前讀書係得過且過,但而家知學嘢袋入我袋,係自己選擇又唔同。」人生當然還包括愛情,入行以來緋聞多多的坤哥,希望今年搵到穩定發展對象,「對象絕對會有,但係成唔成功係需要時間,(追緊?)或者我畀人追緊呢!哈哈!(圈外人?)如果都係圈中人,講嚟講去啲話題都係圍繞住工作會冇咁好,搵到個理解你嘅圈外人係幾好嘅。」預祝坤哥成功,好快聽到好消息啦!■《異搜店》中角色「Andy」,跟坤哥本身反差極大。

■《異搜店》中角色「Andy」,跟坤哥本身反差極大。
■坤哥跟周奕偉早前齊主持《好掛住日本》。
■坤哥跟周奕偉早前齊主持《好掛住日本》。
■坤哥在日本工作假期後,推出了歌曲《一路》。
■坤哥在日本工作假期後,推出了歌曲《一路》。
■4月便32歲的坤哥笑言媽咪沒摧婚,只想他搵多啲錢。
■4月便32歲的坤哥笑言媽咪沒摧婚,只想他搵多啲錢。
■坤哥在社交平台寫了對《好掛住日本》感受,提到未必再有機會拍TVB旅遊節目。
■坤哥在社交平台寫了對《好掛住日本》感受,提到未必再有機會拍TVB旅遊節目。
■16年,坤哥在《叱咤》奪得生力軍金獎。
■16年,坤哥在《叱咤》奪得生力軍金獎。

其他文章
hd