首頁 日報娛樂

默默陪老婆買衫食三文治醫肚 出爐視帝譚俊彥 慳家唔血拼

15/01/2022
夫妻行街
■Shaun近年劇接劇,呢日得閒緊係要陪太太行街啦!
夫妻行街 ■Shaun近年劇接劇,呢日得閒緊係要陪太太行街啦!

41歲譚俊彥(Shaun)喺今年TVB台慶頒獎禮成為雙料視帝,憑台慶劇《換命真相》勇奪「最佳男主角」及「馬來西亞最喜愛TVB男主角」。他在台上激動落淚向家人致謝,對太太任祉妍(Yann)表示:「你係我嘅全部,冇你我唔會拎到呢個獎,我愛你!」惹得全場歡呼,可見他的真心。去年12月底,本報記者在中環ifc遇到Shaun同太太行街,雖然全程連手都冇拖,但學Shaun話齋「姓譚嘅男人所有嘢都會擺心入面」,所以呢日他也只是默默等太太買嘢,肚餓都係去對面舖買三文治咋!真係廿四孝老公嘞!
採訪:張詠森

台慶頒獎禮前Shaun接受訪問曾表示恨攞獎,但不是為名利,而是為家庭,因為而家養細路好貴。性格務實可能係Yann睇中佢嘅原因,Yann其實係內地演員,2013年拍內地劇《冰酒窩》同Shaun擦出愛火,2015年奉女成婚,而家育有一仔一女,之後全家定居香港。Shaun由2003年開始就喺內地發展,但為咗更方便照顧家庭,2014年就回流香港,2017年仲入埋TVB做男一。年輕時一直被嘲靠爸爸狄龍,但今年憑努力奪視帝,終於洗脫靠父幹說法。
望完價錢擺返低
  努力工作都係為咗畀老婆仔女過更好嘅生活,作為一家之主都以身作則,Shaun入到服裝店都有摸吓啲新款男裝,不過睇完個價錢就擺返低,可能諗住平時忙拍劇一係返屋企都冇乜時間着,睇得出都幾慳家亦好識諗。行完一輪都冇心水,就邊傾電話,邊等太太揀衫。
等到餓買嘢醫肚
  女人行街一間舖都睇足半個鐘,都差不多到食飯時間,Shaun似乎都有啲肚餓,不過佢完全冇催太太快手啲,反而走到對面舖買個日式三文治醫肚就算,真係好有耐性呀!等埋太太畀錢就去攞車走人,呢種低調又務實嘅男人真係好吸引呀!出爐視帝■Shaun今年TVB台慶頒獎禮成為雙料視帝。

出爐視帝■Shaun今年TVB台慶頒獎禮成為雙料視帝。
買包醫肚■Yann喺同一間舖買衫揀足半粒鐘,Shaun就去買三文治醫肚。
買包醫肚■Yann喺同一間舖買衫揀足半粒鐘,Shaun就去買三文治醫肚。
價錢唔啱■話晒有兩個細路要養,Shaun睇啱款都睇埋價錢,價錢唔啱唯有擺返低。
價錢唔啱■話晒有兩個細路要養,Shaun睇啱款都睇埋價錢,價錢唔啱唯有擺返低。
極有耐性■Yann喺舖頭揀咗半個鐘,Shaun都冇開聲催佢走。
極有耐性■Yann喺舖頭揀咗半個鐘,Shaun都冇開聲催佢走。
奉女成婚■二人於2015年宣佈奉女成婚,而家育有一仔一女。
奉女成婚■二人於2015年宣佈奉女成婚,而家育有一仔一女。
有心有力■Shaun不但拍劇用心演,外型都有用心Keep,即使只係為《拳王》客串,都減咗26磅操肌。
有心有力■Shaun不但拍劇用心演,外型都有用心Keep,即使只係為《拳王》客串,都減咗26磅操肌。
內地揾食■Shaun於03年返內地發展,拍咗唔少內地劇集。
內地揾食■Shaun於03年返內地發展,拍咗唔少內地劇集。
哭謝太太■Shaun奪視帝喺台上喊住話太太係佢全部,喊死人咩。
哭謝太太■Shaun奪視帝喺台上喊住話太太係佢全部,喊死人咩。
吐氣揚眉■Shaun出道21年成日被指靠父母狄龍和陶敏明,而家終於吐氣揚眉。
吐氣揚眉■Shaun出道21年成日被指靠父母狄龍和陶敏明,而家終於吐氣揚眉。
肯定實力■Shaun憑台慶劇《換命真相》榮升視帝,實力備受肯定。
肯定實力■Shaun憑台慶劇《換命真相》榮升視帝,實力備受肯定。

其他文章
hd