首頁 日報娛樂

用歌酬再做腰椎手術 張偉文籲fans有得睇好睇嘞

21/01/2022
■Aman呼籲fans要力撐張偉文,可以嘅話就唔好退飛。
■Aman呼籲fans要力撐張偉文,可以嘅話就唔好退飛。

因爆發第5波疫情,環星娛樂主辦嘅兩場張偉文《友情有義演唱會》、尹光《戲曲光輝演唱會》及莫旭秋《秋的懷念演唱會》被迫延期。環星老闆張國林聯同三位「苦主」對臨急煞停演出非常無奈,張偉文好友兼經理人方俊(Aman)只望改期不會影響票房,坦承張偉文會用歌酬來負擔6位數字嘅腰椎手術。採訪:方騫平 攝影:葉君海


原先三個演唱會都準備就緒,豈料演出前夕被煞停,大家都超級唔開心,莫旭秋(Joe哥)個唱更先後延期4次,尹光搞到成晚失眠,張偉文就睇得好開,話順其自然煮到嚟就食。

負責統籌張偉文演唱會嘅Aman表示,去年12月20日,張偉文喺文化中心舉行首場《友情有義演唱會》表現好好,餘下兩場Show門票已全部爆滿,最擔心今次改期會影響到票房,呼籲fans要力撐到底:「因為呢幾場歌酬係佢嘅醫療費,用微創手術執走壓住喺腰椎神經線嘅一塊軟骨,由於壓到好扁,專科醫生希望術後對偉文有幫助,有返腳力可以企返起身,可以企喺舞台唱歌。」張偉文都想做呢個手術:「唱得就唱啦,有得睇好睇嘞,呢個世界變得好快,唔知跟住會點。」另外,尹光形容今次演出延期如同跌錢,因為一日未演出一日未有糧出,不過錢反而係其次,因為他好鍾意唱歌;Joe哥就阿Q啲咁諗,咁樣就冇咁唔開心。■首場嘅《友情有義演唱會》仲請來姚煒做嘉賓。

■首場嘅《友情有義演唱會》仲請來姚煒做嘉賓。
■張偉文剛做完腰椎手術,現正休息中。
■張偉文剛做完腰椎手術,現正休息中。
■環星老闆張國林(左起)、莫旭秋、尹光、Aman、張偉文(前)齊唱《無奈》,苦中作樂。
■環星老闆張國林(左起)、莫旭秋、尹光、Aman、張偉文(前)齊唱《無奈》,苦中作樂。
■去年冬至正值張偉文69歲生日,Aman請埋姚煒、尹光及張國林跟他慶生。
■去年冬至正值張偉文69歲生日,Aman請埋姚煒、尹光及張國林跟他慶生。
■尹光及Joe哥對演出押後大感冇癮。
■尹光及Joe哥對演出押後大感冇癮。
■張偉文首場個唱,Aman喺後台睇到實,不時咪前提示。
■張偉文首場個唱,Aman喺後台睇到實,不時咪前提示。

其他文章
hd