首頁 日報娛樂

拍《IT狗》被陳湛文余逸思怨 岑珈其狂派笑彈累NG

21/01/2022
■劇集在第5波疫情下推出,Peter、Yoshi和珈其希望能帶給巿民少少歡樂。
■劇集在第5波疫情下推出,Peter、Yoshi和珈其希望能帶給巿民少少歡樂。

岑珈其、陳湛文(Peter)和余逸思(Yoshi)首度合作ViuTV新劇《IT狗》,由於劇集屬輕鬆喜劇,加上群戲多,三人都話拍得極度開心,未o氹觀眾笑前,一班演員現場已笑餐死。Peter和Yoshi更怨拍劇經驗最豐富的珈其,經常狂派笑彈,搞到大家都忍唔住笑要NG,不過他們都希望原班人馬有機會再合作。 採訪:杜杜 攝影:葉君海
服飾:htoo@eye's Buddy、mijosu(Peter)、doublepark(珈其)

珈其承認劇中好多對手都是初次合作,但好快便熟絡,鏡頭前後都有講有笑勁開心,「真係拍得好開心,基本上每個場口都會有爆蟹(行內術語即爆笑)NG。有次我要喺度食蝦餃,導演就話今次試吓誇張演,好似漫畫咁,我就試一個,我喺度誇張做,佢哋個個全部笑到震晒,Peter算係比較忍到,但都焗焗哋蟹(忍緊笑),後尾全部人爆晒出嚟。」第一個爆笑的Yoshi話,「因為嗰幕真係好卡通化,佢本身都黐線,但係再黐線10倍。」Peter亦投訴珈其會先忍不住笑,「佢自己都心虛,隻蟹就漏咗出嚟害埋人。」

由於拍得開心,加上鏡粉經常萬歲撐偶像,搞到Yoshi心廣體胖。珈其說:「大家成日萬歲開心吓,最勁有次Lokman fans同皮皮(Frankie)fans都萬歲,分咗午餐場同晚餐場,幾誇張,包咗成組食飯仲有甜品。」Yoshi補充,「佢哋係要推車仔入嚟,一箱箱咁,嗰時我係肥咗,諗住減肥都減唔到,Hanna(陳漢娜)佢係食素,每日午餐盒喺度食番薯,我見佢愈食愈瘦,我就愈食愈肥。」初次拍ViuTV劇的Peter,更用好享受來形容,「好大原因係呢班人令我好開心,縱然我哋會拍成14至16粒鐘,其實係好攰,但有大家互相陪住一齊笑,就算攰都會生返啲力出嚟,可以繼續做返戲,煞科我係有啲掛住,甚至期待同一個班底有第二樣嘢會發生。」■珈其去年試了綜藝及做DJ,今年想試做舞台劇。

■珈其去年試了綜藝及做DJ,今年想試做舞台劇。
■《IT狗》表現獲讚,Yoshi想新一年多演戲。
■《IT狗》表現獲讚,Yoshi想新一年多演戲。
■Peter囡囡出世3個月,所以新年望努力搵錢。
■Peter囡囡出世3個月,所以新年望努力搵錢。
■三人都話一班演員合作得勁開心。
■三人都話一班演員合作得勁開心。
■珈其被爆對住凌文龍特別容易放笑彈。
■珈其被爆對住凌文龍特別容易放笑彈。
■劇中Peter同Yoshi演鬥氣冤家,擦出不少火花。
■劇中Peter同Yoshi演鬥氣冤家,擦出不少火花。

其他文章
hd