首頁 日報娛樂

教你風水擺設趨吉避凶 李丞責提醒要大掃除迎新春

28/01/2022
■李博士提大家記得大掃除要落心機,冇擇日的話揀年廿八就最穩陣。
■李博士提大家記得大掃除要落心機,冇擇日的話揀年廿八就最穩陣。

早前著名玄學家李丞責博士為本報讀者預測虎年整體同12生肖運程,今次就同大家講吓大掃除要點做,仲畀埋風水擺設小貼士助大家趨吉避凶!李博士又特別提點虎年不同之處:「老虎最緊要果斷性同坐言起行。」叫大家今年記住呢個座右銘。
採訪:秦詠姿

李博士都知都市人未必記得年年要大掃除,不過想有運行就要落啲心機,「大掃除時用柚葉、柏葉、黃皮葉,3種都係辟邪嘅葉。另外香茅、檸檬葉、橄欖葉都有幫助,大掃除之餘,順帶灑吓呢啲葉嘅水,希望淨化重生,將屋內污氣驅除。能夠點吓沉香、檀香,薰吓間屋就更好。」大掃除最好當然係擇日做,但年廿八都係個去除污垢嘅好日子。
中宮位忌擺郁動嘢

虎年要睇姻緣,要留意九紫星在南邊,「南邊不妨插鮮花,一般來說有九紫星都會擺九枝花。亦可擺放鮮色物件或者粉紅晶石,長着一盞燈都可以。」至於偏財位就唔係人人有,不過都可以考慮正北嘅偏財星,可以擺水晶洞等。而正財位就喺東北,李博士提醒要小心處理:「其實可以擺流水擺設,但因為東北位同時都係太歲位,不宜郁動,等於太歲頭上動土,最好擺同太歲相合的條件,如豬形擺設,配合流水就最好,既合太歲又可生財。」而嘈吵或血光之災位在中宮位,家中正中位擺安忍水、青銅器、銅錢等可化解五黃,但切忌擺風扇等郁動嘅嘢,而紅色都會生旺土煞五黃。■虎年文昌位在東南,宜放綠色物件,或放富貴竹有助讀書。

■虎年文昌位在東南,宜放綠色物件,或放富貴竹有助讀書。
■自身運程重要,居宅風水都好緊要。
■自身運程重要,居宅風水都好緊要。
■是非位三碧星到東位,可以放佛經、笑佛、彌勒佛等,令人心曠神怡更寬容。
■是非位三碧星到東位,可以放佛經、笑佛、彌勒佛等,令人心曠神怡更寬容。
■李博士話虎年桃花位喺南邊,可擺鮮花等催旺;偏財位就喺正北,可以擺水晶洞等。
■李博士話虎年桃花位喺南邊,可擺鮮花等催旺;偏財位就喺正北,可以擺水晶洞等。
■虎年正財位撞正太歲位,放流水擺設同時,擺多樣豬形擺設較好。
■虎年正財位撞正太歲位,放流水擺設同時,擺多樣豬形擺設較好。
■虎年血光之災位在中宮位,擺安忍水、青銅器、銅錢等可化解五黃,但切忌擺風扇等郁動嘅嘢。
■虎年血光之災位在中宮位,擺安忍水、青銅器、銅錢等可化解五黃,但切忌擺風扇等郁動嘅嘢。
■李博士虎年運程書。
■李博士虎年運程書。

其他文章
hd