首頁 日報娛樂

余詠珊製作賀年煮食節目打頭炮 陶大宇煎黃金蛋角過肥年

28/01/2022
■陶大宇呢期紅到癲,回港勁吸金過肥年。
■陶大宇呢期紅到癲,回港勁吸金過肥年。

前無線高層余詠珊離開TVB後成立「好好製作」公司,負責提供節目畀香港開電視播出,頭炮於明晚(29日)十點半起,一連7集播放賀年節目《名廚虎年賀新春》。節目中搵嚟《煮戰》一班星級主廚張錦祥、Jacky Yu、Anson(李安生)等獻藝,教觀眾用簡易方法做賀年大菜,近月紅爆的「師奶殺手」陶大宇仲現身省招牌。採訪:方騫平


余詠珊及其團隊與香港開電視有連串合作計劃,除了落實今年4月舉辦選秀節目《就是青春》外,頭炮賀年節目《名廚虎年賀新春》由星級名廚蔣怡、張錦祥(Ricky)、余健志(Jacky Yu)、強師傅(李偉強)、昌師傅(葉世昌)、小儀(譚詠儀)及陳超平(Stantley)煮意頭菜,蔣怡做「金玉滿堂金槍魚沙律」;Jacky Yu示範「烏魚子膏蟹炒新竹米粉」;Ricky整簡易版蘿蔔糕TAPAS,而陶大宇協助昌師傅做「發財南乳齋」。另外,又急召多位前有線娛樂新聞主播回巢做主持。

原來陶大宇唔止「魔音式」唱腔及招牌「水撥手」夠勁,煮食都有一手。他表示一向習慣過年時玩煮飯仔,其中年年一定要煎黃金蛋角!他開心分享說:「黃金蛋角好簡單,先將煎好咗嘅蛋漿做皮,再加啲豬肉餡料落去,要好似北方餃子咁逐隻包,蛋角似如意,寓意荷包脹卜卜每年搵多啲,由細到大媽咪傳承畀我哋嘅菜式,希望大家食吓,恭喜發財!」另外,余詠珊團隊邀請全港精英大廚、紅爆網絡廚師等做一系列飲食頻道節目,希望吸納一班真正想睇飲食節目嘅觀眾,相關節目亦陸續有來。■jacky Yu、前有線娛樂新聞主播鄭文、鄭太余詩敏、陶大宇、張錦祥齊賀年。

■jacky Yu、前有線娛樂新聞主播鄭文、鄭太余詩敏、陶大宇、張錦祥齊賀年。
■前有線娛樂新聞主播王曉君及劉明軒回巢做主持,跟余健志做烏魚子膏蟹炒新竹米粉。
■前有線娛樂新聞主播王曉君及劉明軒回巢做主持,跟余健志做烏魚子膏蟹炒新竹米粉。

其他文章
hd