首頁 日報娛樂

全裸影寫真唔覺尷尬 默認同保錡分手

28/01/2022
■沙律首度全裸影寫真相,就算對住男攝影師都完全冇尷尬。
■沙律首度全裸影寫真相,就算對住男攝影師都完全冇尷尬。

30歲沙律(張沛樂)最近首度推出個人寫真集《CHANGES》,搵來10個攝影師拍攝,仲有她親自執筆撰文,大講30年來成長蛻變感受。沙律接受《頭條》電話訪問時,講到最難忘是首次挑戰全裸拍攝,不過面對住男攝影師完全冇尷尬,但追問男友保錡對寫真集睇法,沙律除暗示兩人已分手,更坦言最近心情差,仲一度哽咽,睇嚟呢段情過唔到虎年。
沙律去年7月花了一個月為寫真集拍攝,但事前準備工夫卻足足用了半年時間,因她想將自己過去現在和將來的轉變和想法,用最真實一面呈現給讀者,「人哋成日話我係『性感女神』,但呢個唔係完全嘅我,呢個世界有太多標籤,所以我用相片加上自己嘅文字表達我嘅諗法。」
疫情影響銷情
  寫真集中最大尺度是沙律首次挑戰全裸,「我都未試過,雖然負責影相係男攝影師,但係都冇話尷尬,我個人就係咁,決定咗就會好爽快去做,同埋都做足安全措施,又有其他女工作人員幫我睇住。」雖然寫真集有超過15個造型,大部分都好性感,但沙律事前沒有刻意減磅,「有節食吓,食得清淡啲,食多啲菜咁,都係正常做運動,冇刻意去減磅,只係想呈現最真實嘅自己。」
  寫真集公開發售一星期,可惜遇上疫情第5波,沙律坦言銷情大受影響,第一版2000本,暫時只賣了一半,「絕對有影響,因為最初係預咗會搞簽書會,同fans見吓面影吓相,但係而家搞唔到,好多人會覺得等疫情後有簽書會先買,不過好彩都有啲fans好心急照樣買咗,不過我承諾只要疫情穩定返,有機會我一定會開簽書會同大家見面。」
暗示同保錡分手
  去年11月沙律同保錡疑似情海翻波,前者刪除IG上與保錡的合照,發文更意有所指:「過去就不想了,希望新一年能遇到更好的人和事。」而保錡就刪剩兩張與沙律的合照。月初男方出席叱咤頒獎禮,問及分手一事即落閘表示:「感情事唔方便回應。」而25日保錡31歲生日,沙律再取消關注男方,之後保錡也取消關注沙律。追問沙律男友點睇寫真集,她先說:「佢如果支持都開心嘅。」再問為何會刪合照,甚至取消關注,她說:「唔回應啦!唔需要回應啦呢件事!(係咪大家見咁樣就係咁解?)係啦!就係咁解啦!(係咪已經冇聯絡?)我唔回應啦!大家睇到咩就咩!」問到保錡是否知道她出寫真?她說:「咁正常都知嘅,希望佢都會支持,理解吓我裏面文字講嘅嘢,希望佢一帆風順,事業順利。(唔祝佢生日快樂?)好多人同佢講咗生日快樂,佢好開心,唔回應太多。」
  不過問沙律去年11月本報發現她跟女友人食飯,其間呻自己壓力好大,問到是否跟感情有關?她一度哽咽,「我係……心情都差嘅,好多因素啦!所以買我本寫真,睇吓我裏面啲文字,對大家都有幫助嘅,唔緊要,每個人都有開心同唔開心,最緊要由唔開心,蛻變一個新嘅自己。」講到新一年願望,她說:「所有嘢都事事順利,做到自己鍾意做嘅嘢,而嗰樣嘢令到人認同,明白沙律係一個點嘅人,熟識我嘅朋友清楚,我係個好直率好善良有嗰句講嗰句,為身邊人好嘅人。(想唔想行桃花運?)哈哈,都買咗桃花,希望今年桃花人緣都好返晒。(唔要爛桃花?)係,一定嘅。」
採訪:杜杜 ■沙律暗示同保錡一年情,已玩完。

■沙律暗示同保錡一年情,已玩完。
■為了呈現蛻變效果,沙律由頭髮改變,又染髮又剪短。
■為了呈現蛻變效果,沙律由頭髮改變,又染髮又剪短。
■因疫情未能舉行簽書會,沙律的寫真集《CHANGES》銷情大受影響。
■因疫情未能舉行簽書會,沙律的寫真集《CHANGES》銷情大受影響。
■沙律取消關注保錡,跟着保錡也取消關注她。
■沙律取消關注保錡,跟着保錡也取消關注她。
■去年11月,本報拍得沙律跟女友人狂呻壓力大。
■去年11月,本報拍得沙律跟女友人狂呻壓力大。
■沙律就是憑這張相彈起,成為宅男女神。
■沙律就是憑這張相彈起,成為宅男女神。
■日前保錡31歲生日,未有跟沙律慶祝。
■日前保錡31歲生日,未有跟沙律慶祝。
■沙律仍保留上年10月生日,保錡為她慶生的貼文。
■沙律仍保留上年10月生日,保錡為她慶生的貼文。
■沙律踏入2022年即刪除與保錡合照,發文亦意有所指。
■沙律踏入2022年即刪除與保錡合照,發文亦意有所指。

其他文章
hd