首頁 日報娛樂

首拍賀歲片《闔家辣》 發揮搞笑本色 Edan為做好演員虎年要學喊

04/02/2022
■ Edan希望虎年各方面都有進步,「每方面繼續再叻啲,作品出嚟嘅質素都係好,期待今年吸引更加多嘅嘢。」
■ Edan希望虎年各方面都有進步,「每方面繼續再叻啲,作品出嚟嘅質素都係好,期待今年吸引更加多嘅嘢。」

呂爵安Edan首度主演賀歲片《闔家辣》即將上映,孖住一班前輩吳君如、鄭中基和梁詠琪(Gigi)齊放笑彈,電影由新導演兼編劇鄭晉軒(Coba)真人真事改編,戲中Edan就是演「Coba」,但他覺得拍綜藝容易演喜劇難。身為MIRROR搞笑擔當的Edan,仲自認未控制到淚腺,戲中喊戲要君如親自出馬教路,為將來做個好演員,虎年會努力學識點樣喊。採訪:杜杜 攝影:譚壹致、葉君海
髮型:Man Chan@Chic Private I salon(Edan)
化妝:Giann Cheung&Mayling Suen@Annie G.Chan Makeup Centre(Edan)
服飾:GCDS、Jimmy Choo、Bulgari(Edan)
場地:香港瑰麗酒店(Rosewood Hong Kong)

導演Coba坦言搵了多位演員Casting,直到遇到Edan就覺得選中了,除了因對方的喜劇特質,還有其他原因,「我哋好需要一個好正面嘅人飾演戲中嘅『Coba』,『Coba』係代表呢個年代嘅年輕,一見到佢覺得佢好正面。」而Edan就笑指Casting成功,完全唔關演技事,「可能係我嘅朝氣、青春活力、哈哈!仲有可能係我唔知醜,面皮比較厚。嗰時Casting我都好緊張,同埋嗰陣對做戲仲係好迷惘,啱啱拍完《大叔的愛》,未識分咩係好咩係唔好,所以絕對唔覺得自己Casting表現得好好。」
同導演組影壇「Codan」
Edan和Coba都是影壇新貴,他們坦言兩人合作有火花,Edan更有種戰友感覺,「佢好早期已經同我講,我哋坐埋同一條船,我哋嘅壓力都幾似,我哋都係好新,點知喺個好重要位置,如果做得唔好,好影響之後嘅嘢或者運作緊嘅事,我哋要加油,所以開鏡前已經同佢緊密聯繫,成日開會傾個劇本,喺工作室排戲練戲,佢會逐場同我執,好似有個戰友,有個伙伴陪我一齊去作戰咁,幾開心有佢嘅存在(電影圈嘅MIRROR咁拍住上?)我哋係『Codan』!」
作為新丁,仲要面對住前輩君如、中基和Gigi,Coba坦承開始時壓力好大,但拍落就冇咁驚,「我第一次做導演,有君如做我監製,做我演員有中基同Gigi,其實冇乜嘢好驚,佢哋會睇住我,君如唔會畀我死,真係喺壓力下成長。」Edan感覺亦相似,最初好驚演唔好連累人,「入劇組幾日後,已打破隔膜,君如、Gigi同中基都好好人,冇架子又好錫我,畀好多支持同鼓勵我,又教我好多嘢,真係好溫暖,就好似一家人咁,當然有好多擔心同緊張喺入面,但成個過程係好愉快,煞科時真心唔捨得大家。」
拍綜藝易演喜劇難
令Edan覺得有壓力,還因拍綜藝跟演喜劇有好大分別,有一定難度,「平時個人有啲搞笑同喜感,同做戲做得好搞笑係兩回事,做《膠戰》拍綜藝,我可以好自然就搞笑,但係跟住個劇本演繹一啲對白,點樣喺個戲度好搞笑,我覺得好難。」幸好他今次可以跟一班喜劇能手偷師,特別是君如,「有場戲講我喺度說服人,本身我用個好誠心誠意態度去說服,我做咗一次後,君如就話再嚟個版本係食住嘢講,一食住嘢講就成場戲唔同晒,變咗好輕鬆,反差好大,嗰刻我好震驚,呢個就係經驗,原來轉少少嘢可以令成場戲唔同晒,呢啲係我以前從來冇遇過,喺佢哋身上真係學到嘢。」
Edan向來是MIRROR搞笑擔當,但他認為其他隊友一樣好搞笑,「大家搞笑嘅位唔同,每個人都有可愛地方,可能姜濤嗰種呆呆哋,《考有feel》入面大家都會覺得好好笑,Anson Lo喺度嗌嗰啲,大家又覺得好搞笑,所以我唔會話自己係MIRROR最搞笑。」Edan搞笑就叻,但講到喊就經常被隊友成日笑冇淚腺,他坦承好難喊,對上一次不為工作而喊,已經是去年年頭的事,「為咗一啲唔開心嘅事,覺得有啲委屈,突然間就喊,自己都估唔到。」不過,Edan唔肯講究竟因乜事,但否認因負面新聞,又話學習緊控制自己喊,「我都未摸索到自己嘅淚腺幾時運作,都練習緊,某程度上我點解會咁,係種自我保護嘅意識機制,好驚自己會受傷,或者好驚自己會被情緒影響,習慣一個模式,所有嘢都睇得好輕,用開心去抵擋所有嘢,所以比較少喊,但係作為一個演員呢個盔甲要卸下,都難㗎,所以我練習緊。」■講到新一年願望,Coba和Edan希望疫情快點過去,觀眾可以快點入戲院睇到《闔家辣》。

■講到新一年願望,Coba和Edan希望疫情快點過去,觀眾可以快點入戲院睇到《闔家辣》。
■Edan第一次拍電影就有Coba作原型參考,對他有一定幫助。
■Edan第一次拍電影就有Coba作原型參考,對他有一定幫助。
■Edan出名唔識喊,拍戲時君如親自出馬教他演喊戲。
■Edan出名唔識喊,拍戲時君如親自出馬教他演喊戲。
■Edan首次跟中基、Gigi和君如合作,獲前輩照顧和愛錫。
■Edan首次跟中基、Gigi和君如合作,獲前輩照顧和愛錫。
■《闔家辣》戲中,中基和Gigi演Edan父母。
■《闔家辣》戲中,中基和Gigi演Edan父母。
■Edan雖然好少喊,但去年初也曾為不快事喊過。
■Edan雖然好少喊,但去年初也曾為不快事喊過。
■戲中演Edan姑媽的君如,演喜劇的技巧令他大表驚訝。
■戲中演Edan姑媽的君如,演喜劇的技巧令他大表驚訝。
■疫情打亂了電影宣傳活動,Edan、君如和Coba唯有親自落區。
■疫情打亂了電影宣傳活動,Edan、君如和Coba唯有親自落區。

其他文章
hd