首頁 日報娛樂

開網台「打真軍」搞招募 林作指面試素人好岩巉係怪胎

11/02/2022
■林作話裕美睇人最叻,casting交畀佢。
■林作話裕美睇人最叻,casting交畀佢。

去年「林鍾拳擊大戰」成為熱話,今年林作事業更上一層樓,除於保險業界擢升成為區域經理外,他更開設網台暫名「打真軍」力撼YouTube有39萬人訂閱的「試當真」,正式向白手興家捧紅成team人嘅游學修宣戰。林作及裕美日前展開招募成員活動,第一輪面試揀咗10位素人,林作形容呢批「打真軍之友」係Odd Ball(怪胎),非常夠話題性。
採訪:方騫平 攝影:沈健程


「行動派」林作坐言起行,短時間內經已組織好導演、製片、攝影等「打真軍」團隊,而林作則出任成隊team嘅監製及幕後軍師。對於「打真軍」跟「試當真」喺YouTube上決鬥,唔少「巴打」畀Like支持林作,強調會食住花生睇好戲,睇吓林作搞到啲乜出嚟。
「作粉」慕名而來

林作連招募「打真軍」成員都一樣受關注,日前喺佢嘅豪宅進行第一輪面試,部份面試嘅素人其貌不揚,有啲「作粉」就慕名而來。其中17歲的「陳同佳」Keith天生一副厭世樣,講對白木無表情,卻自信滿滿,笑到林作碌地;至於形容自己係無業廢青嘅HaHa(哈哈)除咗即席表演倒立,同場仲加演魔術表演。另外,曾參加ViuTV《最後一屆口罩小姐選舉》疑受唔住網友負評而企圖飲殺蟲水藥及漂白水嘅楊慧敏(老闆娘Mina),除咗大唱粗口版《Sugar In The Marmalade》,仲跳舞跳到瞓晒落地,身穿露臍裝加熱褲的Mina相當出位,更High到對住鏡頭豎起中指。而香港開電視主持人連佳麗(Kelly)最正常,她自彈自唱《他約我去迪士尼》都悅耳動聽。而作為公司CEO助理,操得一口流利英文嘅Linda就高唱國歌。據知Mina、Linda、Kelly及Keith均已入選。■林作教「作粉」曹子浩及Linda做戲。

■林作教「作粉」曹子浩及Linda做戲。
■楊慧敏行為出位有話題性,最合乎林作要求。
■楊慧敏行為出位有話題性,最合乎林作要求。
■「口罩小姐」參賽者楊慧敏跳住唱粗口歌。
■「口罩小姐」參賽者楊慧敏跳住唱粗口歌。
■連佳麗自彈自唱《他約我去迪士尼》。
■連佳麗自彈自唱《他約我去迪士尼》。
■17歲「陳同佳」Keith懶理現場笑聲。
■17歲「陳同佳」Keith懶理現場笑聲。
■哈哈表演倒立時,連褲袋內嘅銀包都跌埋出嚟。
■哈哈表演倒立時,連褲袋內嘅銀包都跌埋出嚟。

其他文章
hd