首頁 日報娛樂

《造星IV》第3隊女團玩自己話事 STRAYZ冇公司 成員夾5位數出道

05/05/2022
正式出道 ■STRAYZ成員榛綦(前左)、副隊長CK(前中)、隊長阿VAL(前右)、暐翹(後左)及Ariel(後右)。
正式出道 ■STRAYZ成員榛綦(前左)、副隊長CK(前中)、隊長阿VAL(前右)、暐翹(後左)及Ariel(後右)。

ViuTV真人騷《全民造星IV》為樂壇提供咗三隊女團,包括官方女團COLLAR,40強嘅8人女團Lolly Talk,以及由阿VAL(趙展彤)及CK(黃斯琪)自發組成的20強組合STRAYZ,5人以獨立組合形式行走江湖,自負盈虧。副隊長CK坦言冇後台backup,出第一首歌及拍MV,成員要夾5位數出嚟,所以乜都慳住使,條路唔易行。
採訪:方騫平 攝影:沈健程 服裝:PortsPure

成立STRAYZ全因趙展彤有一日覺得好無聊,「冇乜嘢做,搞個女團玩吓,第一時間撩CK組團。」CK唯一要求就係排舞及走位都要單數,所以5人組合最合適。隊長阿VAL表示,組員榛綦(何榛綦)、Ariel(曾家瑩)及暐翹(林暐翹)都係心水之選,特別係外型同才華都好好嘅榛綦屬首選,隊長坦言冇諗過全部都一口答應。
入唔到COLLAR冇失望

提到當日COLLAR經理人阿Wing有搵CK為COLLAR作歌但最後唔成事, CK表示:「阿Wing知我鍾意音樂,搵我幫手做音樂,但去到決賽階段有自己嘅作品,所以先專注參賽,咁我入唔到COLLAR冇失望嘅,畀時間自己調節吓都好,否則唔會有STRAYZ。」阿VAL直認組合似流浪嘅孤兒,故改名STRAYZ(流浪者),CK更正說:「又冇咁極端嘅,只係喺我哋當中尋找共通點,發現都係《造星IV》落選20強,而且大家都係唔鍾意被捆綁嘅自由個體,呢啲個體放埋一齊就變咗組合。」

阿VAL點頭補充:「我哋仲有一個共通點,係冇放棄過追夢,係緣份將我哋group埋一齊。我會堅持幾耐得幾耐,一日未死都會繼續。」暐翹舉手支持:「我好鍾意表演,想做屬於自己嘅音樂,長遠目標係開到演唱會。」CK指STRAYZ會專注音樂,但未定性係乜嘢組合,除咗唱跳,唔排除會試吓搞笑;曾經係家燕媽媽旗下少女組合Honey Bees成員嘅榛綦都想試吓戲劇方面,另外阿VAL亦會單飛發展。
Ariel做兼職搵錢追夢

STRAYZ屬獨立女團,5人要真金白銀拎錢出嚟做歌,暫時夾咗5位數。年紀最細只得17歲,獲阿Dee(何啟華)力撐嘅「死O靚妹」Ariel為此要做兼職沖奶茶。CK說:「我哋慳得幾多得幾多啦!其實真係唔容易,我哋5個人,比獨立歌手仲要難5倍,當中遇到嘅困難、不甘、釋懷會喺新歌中表達。」另成員亦唔會同其他女團比較,覺得一齊為樂壇努力及追夢,百花齊放最好。自給自足  ■5人為出道做宣傳,希望吸納到廣告增加收入。

自給自足 ■5人為出道做宣傳,希望吸納到廣告增加收入。
發起組團  ■當日阿VAL無聊發起做女團,搵埋老友CK幫手成團。
發起組團 ■當日阿VAL無聊發起做女團,搵埋老友CK幫手成團。
否認欺凌  ■暐翹否認曾欺凌「肥美人」Lezlie,強調對方只係同校師姐,但從冇接觸過。
否認欺凌 ■暐翹否認曾欺凌「肥美人」Lezlie,強調對方只係同校師姐,但從冇接觸過。
同聲同氣  ■阿VAL曾參加《超級巨聲》,所以得到同聲同氣嘅導師許廷鏗力撐。
同聲同氣 ■阿VAL曾參加《超級巨聲》,所以得到同聲同氣嘅導師許廷鏗力撐。
滿城風雨  ■COLLAR今年1月12日出道,第三首單曲《Gotta Go!》涉抄襲搞到好大件事。
滿城風雨 ■COLLAR今年1月12日出道,第三首單曲《Gotta Go!》涉抄襲搞到好大件事。
Lolly Talk女團  ■另一隊自組嘅女團Lolly Talk成員分別有Yanny、Sinnie、MeiMei、阿蛋、Tania、Elka、阿妹及阿Yo。
Lolly Talk女團 ■另一隊自組嘅女團Lolly Talk成員分別有Yanny、Sinnie、MeiMei、阿蛋、Tania、Elka、阿妹及阿Yo。
互相鼓勵  ■CK同COLLAR成員邱彥筒(Marf)係好朋友,兩人會互相鼓勵。
互相鼓勵 ■CK同COLLAR成員邱彥筒(Marf)係好朋友,兩人會互相鼓勵。
阿Dee打氣  ■阿Dee好錫Ariel,寫千字文為佢打氣外,仲安排好兄弟幫佢總決賽排舞。
阿Dee打氣 ■阿Dee好錫Ariel,寫千字文為佢打氣外,仲安排好兄弟幫佢總決賽排舞。
型爆登場  ■暐翹(左2)喺《造星IV》跟B4組員Sica、東東及Liu哥性感地跳唱。
型爆登場 ■暐翹(左2)喺《造星IV》跟B4組員Sica、東東及Liu哥性感地跳唱。
鐵膽成員  ■榛綦好啱做幕前,成為STRAYZ首選成員。
鐵膽成員 ■榛綦好啱做幕前,成為STRAYZ首選成員。

其他文章
hd