首頁 日報娛樂

紀錄片《粵劇靈》大爆靈異事 李居明揭新光戲院有神秘空間加秘道

06/05/2022
■由李居明炮製嘅玄學紀錄片《大剃度》及《通靈師》屢獲國際大獎。
■由李居明炮製嘅玄學紀錄片《大剃度》及《通靈師》屢獲國際大獎。

第五波疫情漸趨緩和,玄學大師李居明要為港人打「加持針」,振臂高呼叫醒文化藝術工作者返出嚟,而他亦會為業界出啲綿力,除咗由他炮製嘅兩部玄學紀錄片《大剃度》與《通靈師》,會喺5月初於有線電視及香港開電視播出外,兩齣粵劇戲寶《蝶海情僧》和《大赤壁賦》亦於7月底在新光戲院公演。 採訪:方騫平 攝影:沈健程 場地:新光戲院

為慶祝香港回歸25周年,率先喺7月1日上映紀錄片《粵劇靈》,片中探討李居明於過去10年喺新光戲院嘅經歷及不為人知嘅靈異故事,「如戲院有個令人毛骨悚然嘅神秘空間,係當年『女姐』紅線女用嚟休息嘅宿舍,呢個空間保持咗30年;仲有個永遠唔會用嘅化妝間,又有條神秘地道。」李居明更首次公開何非凡、鄧碧雲及一群老倌嘅靈異經歷及粵劇界禁忌。另外,新光戲院於7月尾公演蓋鳴暉「鳴芝聲」第11度重演嘅《蝶海情僧》及由吳仟峰、梁兆明、王超群及梁非同聯演嘅《大赤壁賦》。
新光成中港橋樑

此外,還有講述41位青年人闖上日本第一聖山高野山,於漫天風雪下剃度7日遭遇嘅紀錄片《大剃度》;《通靈師》一片最矚目是史上首個「問米大擂台」,中美兩大問米通靈師「互問對方的米」,互揭對方的問米實力,分別於5月7至9日在有線電視及香港開電視黃金時段播出,而5月15日更會於有線電影台重播《通靈師》。

明年李居明還打算開拍一部前世今生大輪迴為題材嘅電影圓心願。李居明表示,跟新光戲院剛續約3年,新光戲院喺未來日子會擔當香港及內地老倌往返兩地橋樑角色,從而促進兩地文化交流。■李居明剛同新光戲院續約3年,好戲會陸續有來。

■李居明剛同新光戲院續約3年,好戲會陸續有來。
■李居明帶米雪遊新光戲院地下秘道。
■李居明帶米雪遊新光戲院地下秘道。
■賴慰玲喺《粵劇靈》中探索新光戲院嘅神秘空間。
■賴慰玲喺《粵劇靈》中探索新光戲院嘅神秘空間。
■三姐喺《通靈師》中大展功力。
■三姐喺《通靈師》中大展功力。
■《大剃度》中41位香港年輕人喺瀑布修行。
■《大剃度》中41位香港年輕人喺瀑布修行。
■中美問米通靈師在《通靈師》中互鬥。
■中美問米通靈師在《通靈師》中互鬥。

其他文章
hd