首頁 日報娛樂

事業有成才計劃娶朱智賢 謝東閔恨親自執導新歌MV

06/05/2022
■東閔原來有個導演夢,好想在新MV小試牛刀。
■東閔原來有個導演夢,好想在新MV小試牛刀。

謝東閔繼《金宵大廈2》演被洗腦而做壞事的「大界」後,在《廉政行動2022》再做壞人,兩個劇先後跟兄弟陳山聰和導演林超賢合作,令他開心講不停。談到女友朱智賢接受《頭條》訪問時,指兩人未有結婚計劃,36歲的東閔承認想事業有成,才想下一步,所以最近想挑戰為新歌MV親自執導。  採訪:杜淑霞 攝影:沈健程 服裝:#BrooksBrothersHK

東閔跟山聰成立「Crazy Runner」多年,但拍劇到《金宵2》才是正式合作,他興奮話:「仲要九成對手戲都係同佢,幾開心,有講有笑,尤其是我虐待佢嗰場戲,我忍笑忍得好辛苦。」

而在《廉政》首次跟大導演林超賢合作,東閔坦承學到嘢,「有場比較大嘅場口,我被人倒吊住,20幾個NG先拍到,因為佢對鏡頭要求好高,拍好多個角度先收貨,第一次接觸咁勁嘅導演,都有啲緊張,真係有啲嘢唔同,合作到係我榮幸。」
變失魂爸爸

早前朱智賢接受《頭條》訪問時,透露跟東閔先發展好事業,才計劃結婚,東閔承認兩人有共識,「結婚對我嚟講係唔重要嘅嘢,一張紙嚟,最緊要開心。」朱智賢亦笑指他帶狗仔出街,都會忘記拎狗仔的物品走,擔心將來有小朋友,他會變失魂爸爸賴低個仔,他笑言:「都係嘅,但冇咁誇張,o依家記性好返好多。」

東閔坦承跟朱智賢對事業發展仍未滿意,「目標係得到人認同,我覺得暫時我同佢都未係,希望可以做得更加好,無論喺事業上,或者喺人生上,可能有一刻覺得自己真係成長咗,同埋有人認同自己會feel到嘅。」現在忙於錄製新歌的他,更計劃為MV親自執導,「我都好鍾意拍嘢,都有買啲機嚟拍吓,拍嘢時都好留意幕後嘅製作,所以自己都想試吓,睇吓公司批唔批啦。」■跟朱智賢都是愛狗之人的東閔,原來帶狗出街時好大頭蝦。

■跟朱智賢都是愛狗之人的東閔,原來帶狗出街時好大頭蝦。
■《廉政》中,東閔經常被打仲要倒吊,但能跟林超賢合作乜都抵。
■《廉政》中,東閔經常被打仲要倒吊,但能跟林超賢合作乜都抵。
■跟好兄弟山聰合作《金宵2》,東閔嫌戲份太少未夠喉。
■跟好兄弟山聰合作《金宵2》,東閔嫌戲份太少未夠喉。
■東閔跟山聰都是「Crazy Runner」成員,感情一直很好。
■東閔跟山聰都是「Crazy Runner」成員,感情一直很好。
■36歲的東閔認為事業是搏殺期,目前想專注工作。
■36歲的東閔認為事業是搏殺期,目前想專注工作。
■東閔跟朱智賢現在感情穩定,兩人有共識唔心急結婚。
■東閔跟朱智賢現在感情穩定,兩人有共識唔心急結婚。

其他文章
hd