首頁 日報娛樂

被羅子溢攬埋牆角互望交足戲 王敏奕首談夫妻相處: Chill啲唔好咁緊張

06/05/2022
摸住面仔  ■王敏奕同羅子溢為《婚後事》拍攝浪漫親熱場口。
摸住面仔 ■王敏奕同羅子溢為《婚後事》拍攝浪漫親熱場口。

王敏奕(Venus)的社交平台由公司經營,上周因為要重整故刪掉跟老公曾國祥(Derek)的合照,即惹嚟婚變傳聞,經澄清後,放下心頭大石嘅Venus喺新劇《婚後事》外景現場有返啲笑容,她鬆一口氣說:「呢啲傳聞真係大吉利是,最好唔好經歷咁多!」
採訪:方騫平
攝影:林建安


傳婚變後王敏奕當機立斷,除於新劇《婚後事》開鏡拜神時同老爺曾志偉一齊否認傳聞外,仲馬上喺社交網上載咗3張喺健身室自拍照晒幸福,出po話:「我被愛,快樂,幸福,我知道……」
子溢夫婦齊討論異性

上周三(27日),Venus於中半山一間書店內同羅子溢拍一場浪漫親熱場口,戲裏戲外同樣係「人夫」嘅羅子溢,眼見身穿米白色針織外套襯白色貼身小背心嘅Venus撥弄秀髮,即受不住誘惑,一手扯Venus埋牆角將佢攬到實,Venus喺子溢懷中輕撫佢條頸,兩人再情深擁抱。當日兩人表現專業,試咗幾次位就正式拍攝,見Venus同羅子溢有講有笑,心情相當唔錯。羅子溢講返攬Venus場口:「喺我角度係有挑逗性,戲中我都係結咗婚。」

子溢坦言現實中都會「目及」女:「對眼用嚟睇嘢嘛!有靚嘢會睇,唔係用色情眼光,話自己唔會『目及』女好假。我仲會光明正大同老婆(楊茜堯)講返,佢唔會嬲,正如佢由細到大鍾意金城武,我都覺得佢好靚仔,我哋會用呢種舒服相處方式。」Venus對此就唔太認同,覺得對異性嘅睇法盡量少講為妙,而佢覺得內在比外表吸引,唔特別欣賞靚仔。
老公談婚變傳聞笑咗

講到夫妻相處之道,子溢堅持要相敬如賓,喺適當時間畀空間對方;Venus就插口話:「有時空間太多,成日都見唔到。」她否認詐型,強調只係講吓笑,覺得保持溝通就OK:「我覺得夫妻相處要chill啲,唔好太緊張,要有共同嗜好多啲一齊玩。」對於突傳婚變,Venus坦言嚇親:「真係冇諗過搞到咁大件事,同埋大吉利是咩!嚇死呀,呢啲真係要即時去回應,費事沒完沒了,好彩做訪問時有老爺喺度我可以安心啲,我面對呢啲嘢好渣。」問到今次經歷有冇增進夫妻感情?Venus即笑說:「我哋一向都好好,呢啲最好唔好經歷咁多啦,因為大家都做緊嘢,唔想多重壓力要去解畫,成件事冇影響到我哋,我哋好多溝通,老公對婚變傳聞都係笑吓算。」心情唔錯  ■戲外有講有笑,王敏奕心情相當唔錯。

心情唔錯 ■戲外有講有笑,王敏奕心情相當唔錯。
攬到好實  ■兩人情深擁抱,全情投入。
攬到好實 ■兩人情深擁抱,全情投入。
好鬼肉緊  ■羅子溢一手將王敏奕拉埋身邊。
好鬼肉緊 ■羅子溢一手將王敏奕拉埋身邊。
老爺陪住  ■王敏奕感謝老爺曾志偉陪她做訪問解畫。
老爺陪住 ■王敏奕感謝老爺曾志偉陪她做訪問解畫。
老公力撐  ■王敏奕指老公明白及支持她,拍親熱戲唔使同老公備案。
老公力撐 ■王敏奕指老公明白及支持她,拍親熱戲唔使同老公備案。
關係好好  ■王敏奕強調同曾國祥經常溝通,夫妻間絕冇問題。
關係好好 ■王敏奕強調同曾國祥經常溝通,夫妻間絕冇問題。
首次合作  ■王敏奕同羅子溢相識20年,卻首次合作。
首次合作 ■王敏奕同羅子溢相識20年,卻首次合作。
恩愛如昔  ■王敏奕強調同老公恩愛如昔。
恩愛如昔 ■王敏奕強調同老公恩愛如昔。
幸福一家  ■子溢話老婆開心最緊要,因為咁先可以湊好啲小朋友。
幸福一家 ■子溢話老婆開心最緊要,因為咁先可以湊好啲小朋友。
見返合照  ■王敏奕重整完IG社交平台後,兩夫婦合照重現眼前。
見返合照 ■王敏奕重整完IG社交平台後,兩夫婦合照重現眼前。
出Po補鑊  ■及後王敏奕出po晒幸福:「我被愛,快樂,幸福,我知道……」
出Po補鑊 ■及後王敏奕出po晒幸福:「我被愛,快樂,幸福,我知道……」

其他文章
hd