首頁 日報娛樂

《野外》有望海外拍第三季 方紹聰自爆搵嘉賓曾遭嫌棄

09/05/2022
■奶仔沒有被閒言閒語打沉,反而激起他鬥志拍出更好節目。
■奶仔沒有被閒言閒語打沉,反而激起他鬥志拍出更好節目。

方紹聰(奶仔)因拍《食腦喪B》而跟何廣沛和郭子豪成為兄弟,原來合作前奶仔曾安排行山聯誼增進感情,最搞笑是他寫埋rundown。他坦承該次行山經驗,奠定《野外步出》的初型,不過他自爆拍該節目曾遭嫌棄,但反而激勵他節目要做得更好,又透露節目已有望衝出香港拍第三季。 採訪:杜淑霞 攝影:沈健程

奶仔拍《食腦》前,得知要跟何廣沛和郭子豪演好兄弟,一度好鬼擔心,「佢哋喺《跳躍生命線》已經好熟,擔心同佢哋兩個玩唔玩得埋,佢哋兩個熟又會唔會一齊恰我呢?幾慶幸佢哋都有呢個疑慮。」於是他專登安排行山之旅破冰,不過最搞笑他竟寫埋rundown,要求大家跟住做,「講明係ice breaking之旅,頭一個鐘介紹自己,第二個鐘講吓啲無聊嘢,第三個鐘deep talk,第四個鐘大家攰扮唔到嘢,啲真性情出晒嚟有機會嗌交,第五個鐘嗌完交.接唔接受到呢啲咁唔好睇嘅一面,接受到就成為朋友。」
演戲經驗沒白費

連跟同事聯誼都似足節目流程,難怪奶仔搞《野外步出》相當成功,他更開心透露節目有望衝出香港拍第三季,「前排C君大哥同我講『奶仔再開《野外步出》第三季』,作為主持人正常再添食梗係𦧲飯應,但係我同佢講『大佬搞唔掂,如果繼續開喺香港冇嘢玩㗎啦』,佢就話『試吓同你傾吓外地』,我都好期待。」

講到該節目,相比奶仔在戲劇演出更令人深刻,但他覺得以往工作沒有白費,「如果我冇嗰10年演戲經驗,同啲嘉賓建立友情,平時演戲觀察啲幕後點做,我係唔會做到呢個節目。」他更自爆當初籌拍時,搵嘉賓最困難,更曾被嫌棄,「唔開心嘅嘢係有,當時有啲artist聽到《野外步出》就問,『主持方紹聰係邊個嚟?奶仔唔係做變態佬、茄哩啡嗰啲咩,我唔上佢節目,佢都唔知搞咩,唔會有人睇』,有啲再難聽啲,係有啲嘉賓嚟咗節目後,開工時其他同事就話『你噚日拍完《野外步出》唔好拍啦!又辛苦,點會有人睇』,我聽完再發憤啲,要令啲冇參加嘅人後悔。」■由奶仔主持的《野外步出》先後拍了兩季,嘉賓全是他圈中好友。

■由奶仔主持的《野外步出》先後拍了兩季,嘉賓全是他圈中好友。
■奶仔笑指「食腦三子」除未認識時行過山外,之後冇試過一齊行山。
■奶仔笑指「食腦三子」除未認識時行過山外,之後冇試過一齊行山。
■入行12年,奶仔拍過劇集不少,包括《鐵探》演越南黑幫「發瘟」。
■入行12年,奶仔拍過劇集不少,包括《鐵探》演越南黑幫「發瘟」。
■奶仔未跟何廣沛和郭子豪合作前,一度擔心相處不來。
■奶仔未跟何廣沛和郭子豪合作前,一度擔心相處不來。
■奶仔當日在群組貼出破冰之旅rundown,相當認真。
■奶仔當日在群組貼出破冰之旅rundown,相當認真。
■奶仔透露正拍攝新綜藝《貧窮限制想像》,用窮人視覺體驗奢華生活。
■奶仔透露正拍攝新綜藝《貧窮限制想像》,用窮人視覺體驗奢華生活。

其他文章
hd