首頁 日報娛樂

疫情下出新歌唔會慳 張子丰揀女友要識欣賞星爺

11/05/2022
■Fred跟網紅J Lou首次合作,但又幾合拍。
■Fred跟網紅J Lou首次合作,但又幾合拍。

張子丰(Fred)最近推出原創新歌《保持通話》,跟過往作品《爛片王》、《痴心情長劍》及《完美情人》一樣,用戲名嚟做歌名。原來Fred好鍾意古天樂主演嘅電影《保持通話》,問到Fred眼中嘅古仔係咪完美情人?他笑說:「我眼中嘅完美情人得一個要求,一定要鍾意睇周星馳嘅戲!」
採訪:方騫平

Fred相隔兩年再出原創歌《保持通話》,新歌配合電子曲風走輕快路線,亦帶點sweet,同以往唱嘅慘情歌唔同:「疫情下大家都覺得沉悶,都好想聽吓開心嘅歌。」
6位數拍MV

《保持通話》MV帶有科幻元素,講述3個時空嘅男女主角,分別利用當時嘅科技去尋找對方,設法與對方聯絡,仲搵嚟中法混血網紅J Lou(林欣)做女角,飾演50年代嘅美國發明家「藍牙之母」Hedy Lamarr。就算疫情下影響到各行各業收入,但Fred堅持MV要有質素唔會縮皮,仲喺公司搭咗個太空艙景,花近6位數字製作,拍得相當唯美,「首歌喺去年開始籌備,疫情下被迫停咗一陣工,不過冇得再等,只能盡做。」

Fred坦言好鍾意古天樂嘅電影,而周星馳更加係佢超級偶像,「我特別鍾意《逃學威龍》,會睇無限次,因為佢係入面太靚仔太有型喇!星爺係個聰明人,先至能夠做到喜劇之神嘛!所以將來嘅對象一定要鍾意睇周星馳嘅戲,否則同佢溝通唔到。」■Fred同另一個Fred鄭俊弘都係「星粉」,前者更擔任後者結婚時的兄弟。

■Fred同另一個Fred鄭俊弘都係「星粉」,前者更擔任後者結婚時的兄弟。
■Fred最鍾意翻睇周星馳嘅《逃學威龍》,大讚百看不厭。
■Fred最鍾意翻睇周星馳嘅《逃學威龍》,大讚百看不厭。
■Fred話古天樂嘅電影《保持通話》相當刺激。
■Fred話古天樂嘅電影《保持通話》相當刺激。
■花咗兩日時間拍攝《保持通話》MV,仲喺公司搭咗個太空艙景。
■花咗兩日時間拍攝《保持通話》MV,仲喺公司搭咗個太空艙景。
■歌曲中講到兩人失聯,要利用當時嘅科技去尋找對方。
■歌曲中講到兩人失聯,要利用當時嘅科技去尋找對方。
■Fred對上一首原創歌《完美情人》已是兩年前的事。
■Fred對上一首原創歌《完美情人》已是兩年前的事。

其他文章
hd