首頁 日報娛樂

紅館笑迎粉絲舉「紙紮鐘」打氣 軒仔收榴槤林明禎冧爆:我幫你開

12/05/2022
■軒仔捧着榴槤驚喜交集,身後的林明禎笑到彎腰!
■軒仔捧着榴槤驚喜交集,身後的林明禎笑到彎腰!

張敬軒的紅館個唱補場前晚舉行首場,邀得「大馬女神」林明禎及陳柏宇擔任表演嘉賓。明禎特別帶來大馬名物「貓山王」榴槤做手信,好讓軒仔為早餐「加餸」,當軒仔說不懂開榴槤時,明禎就冧爆道:「我可以去幫你開呀!」

林明禎前晚在張敬軒的紅館演唱會甫登場,即引起全場哄動,她坦言很緊張,並對軒仔笑道:「我何德何能站上紅館這個舞台跟你合唱?」軒仔即說:「我何德何能請到新一代女神同我合唱就真!你今晚靚到……美人魚咁呀!」明禎甜笑道:「今日我係最幸福女子!」

明禎在社交網常見到軒仔要吃白麵包,故特別從大馬帶來「貓山王」榴槤,她笑言:「你早餐可以食麵包加榴槤,咁先夠營養。」又驚又喜的軒仔坦言:「我平日買的都是已打開的榴槤,我唔知點開。」明禎即冧道:「我可以去幫你開呀!」軒仔笑道:「唔知點解佢對眼長期水汪汪,唔怪得被網友封做女神。」明禎再乖巧地冧道:「我見到你才會這樣。」軒仔頓時語塞,觀眾們則為之捧腹。
尾場「山頂位」回贈送鐘粉絲

軒仔前晚發現有歌迷在座位高舉「紙紮鐘」打氣,百無禁忌的他笑言:「你送個鐘俾我?紙紮鐘?真係好嘢!仲要剛好12個字都係我扮MIRROR個樣!我真係要回返個禮俾你,就係我私人家屬票,送兩張尾場『山頂位』俾你!佢個牌,幫我化咗佢。」

另外,昨日有社交網帳戶「爆料」,指姜濤將在某日擔任軒仔個唱嘉賓,疑是「黃牛黨」推銷策略,軒仔和姜濤隨即先後在社交網否認傳言。英皇娛樂演唱會部總監馮貽柏表示為保驚喜,軒仔個唱嘉賓於當晚才會公佈。■精心製作「紙紮鐘」的粉絲,獲軒仔讚賞有創意。

■精心製作「紙紮鐘」的粉絲,獲軒仔讚賞有創意。
■林明禎拿着榴槤,建議軒仔在早餐享用!
■林明禎拿着榴槤,建議軒仔在早餐享用!
■軒仔前晚和好友陳柏宇合唱《斷點》。
■軒仔前晚和好友陳柏宇合唱《斷點》。

其他文章
hd