首頁 日報娛樂

搶先預告大結局連場喪屍激戰 何廣沛偷胸圍 絕密刪剪片段曝光

12/05/2022
《食腦喪B》絕密刪剪片段獨家爆 ■廣沛初次戴胸圍表現興奮,嘉敏都不及他風騷。
《食腦喪B》絕密刪剪片段獨家爆 ■廣沛初次戴胸圍表現興奮,嘉敏都不及他風騷。

搞笑喪屍劇《食腦喪B》,本周迎來大結局,講到喪屍病毒已蔓延全城,人人自危,何廣沛和蔣志光等主角,為救朱智賢同喪屍展開連場激戰。《頭條》直擊眾主角被喪屍圍咬的精彩場口外,更公開何廣沛偷胸圍斷正俾江嘉敏的絕密搞笑刪剪片段,電視睇唔到㗎!採訪:杜杜

絕密刪剪片段講述何廣沛飾演的「喪B余陽光」,要靠食人腦為生,點知唔好彩食着個腦嘅主人係會經常去內衣檔偷內衣,於是「喪B」就不由自主走咗去內衣檔重施故技,咁啱撞正飾演「笑春」嘅江嘉敏,同車婉婉飾演嘅媽咪「Sara姐」去買胸圍,結果「喪B」被「笑春」捉到正,以為他是變態佬。
試戴胸圍明女人感受

拍攝時廣沛相當睇得開,雖然外景場地位於銅鑼灣渣甸坊街檔,有好多巿民圍觀,但佢冇有怕戴住幾個勁嬌艷的胸圍周街走。被嘉敏問到第一次戴胸圍感受,廣沛就話:「都幾勒住嘅,知道你哋嘅苦況。」嘉敏趁機大吐苦水,「o依家未係夏天咋,夏天仲慘呀!好熱咁焗住。」廣沛竟然唔識死駁嘴,「夏天照正常都係熱嘅。」被廣沛封為「TVB三大喇叭」的嘉敏即反駁:「再多層嘢焗住,你可以夏天再試吓!」廣沛亦唔輸蝕回佢一句:「咁你可以考慮試吓唔……(着)囉!」

劇中嘉敏俾廣沛咬手指,有圍觀小朋友睇得肉緊問「係咪真係俾人咬?」嘉敏表示第一下真的被咬到,更被廣沛嫌棄:「有啲鹹!」嘉敏解釋因疫情已做足防疫措施,「我專登唔用酒精嗰啲,驚你真係食咗落肚毒死咗你,你仲鬧我『等咩呀o依家』,嗚嗚(扮喊)!」
朱智賢被追咬真心驚

鍾意睇打喪屍場面的觀眾,絕對唔可以錯過大結局,除了有廣沛跟蔣志光為救朱智賢及方紹聰,而跟喪屍有連場打鬥戲份外,亦有變了喪屍的馬貫東同方紹聰對打,一樣相當精彩。拍攝當日,朱智賢不停被喪屍追咬,又要瘋狂尖叫,真心驚的她坦言是真反應,「頭先細佬(廣沛)都話我好逼真㗎!睇啲片都覺得好值得,拍到佢哋個個好有型,我就繼續驚青,好多喪屍追住我嚟咬,佢哋本身係喪屍唔會襲擊佢哋,場場啲喪屍一出嚟就撲埋我度,keep住驚,佢就英雄救美!」

由於有連場打鬥戲,製作團隊又拍得認真,所以拍攝時間相當長,但廣沛覺得只要觀眾欣賞就值得,「今次都打咗幾耐,用咗好多時間,我預計係放食晏之前收工,但打到o依家都4點幾5點,每個shot工作人員都好認真去打燈,營造個氣氛,訓練班啲同學仔同臨時演員,扮演嘅喪屍都好逼真,希望大家睇到大結局時,感覺到個緊張氣氛。」■「Sara姐」捉「笑春」去買胸圍,俾檔主評頭品足,勁唔like!

■「Sara姐」捉「笑春」去買胸圍,俾檔主評頭品足,勁唔like!
■「笑春」快手捉住「喪B」,後者唯有咬佢手指甩身。
■「笑春」快手捉住「喪B」,後者唯有咬佢手指甩身。
■買買吓,「喪B」出手偷胸圍。
■買買吓,「喪B」出手偷胸圍。
■「輝哥仔」想咬「Warren」,「Anna」拿木條打他。
■「輝哥仔」想咬「Warren」,「Anna」拿木條打他。
■「輝哥仔」最後中槍跌落樓。
■「輝哥仔」最後中槍跌落樓。
■變了喪屍的「Warren」(方紹聰)竟然想咬「Anna」,「喪B」唯有開槍。
■變了喪屍的「Warren」(方紹聰)竟然想咬「Anna」,「喪B」唯有開槍。
■「輝哥仔」(馬貫東)變喪屍後,追咬「Anna」,「Warren」即英雄救美。
■「輝哥仔」(馬貫東)變喪屍後,追咬「Anna」,「Warren」即英雄救美。
大結局搶先睇  ■「喪B」同老竇「余祥劍」(蔣志光) 為救家姐「Anna」(朱智賢),跟喪屍激戰。
大結局搶先睇 ■「喪B」同老竇「余祥劍」(蔣志光) 為救家姐「Anna」(朱智賢),跟喪屍激戰。

其他文章
hd