首頁 日報娛樂

終極爆料 轟被張紋嘉搞到抑鬱 黎美言封鎖舊隊友手機號碼過新生活

13/05/2022
被迫反擊 ■Winkie形容自己處於懸崖邊,自言本性善良嘅佢迫於反擊。
被迫反擊 ■Winkie形容自己處於懸崖邊,自言本性善良嘅佢迫於反擊。

前女子組合HotCha成員張惠雅(Regen)接受電台訪問時力數黎美言(Winkie)性格好煩兼難頂,被辣㷫的Winkie忍無可忍,向《頭條日報》記者公開收埋心底15年嘅鬱結,力斥除咗被兩位舊隊友張惠雅及張紋嘉(Crystal)傷害名聲外,連人身安全都受到威脅:「兩人身邊嘅朋友騷擾我生活,o依家要借用媒體力量嚟保護自己!」她直言已封鎖Regen及Crystal電話號碼,希望能安心重過新生活,對於Winkie的言論,Regen截稿前仍未有回應,Crystal則稱上次已交待過,不再回應。採訪:方騫平 攝影:沈健程 場地:富德紅人堂

HotCha於2007年出道,14年拆夥,黎美言由藝人轉型從商6年,開辦泰拳跳舞學校,教導最熱愛嘅拳擊及跳女團舞,由於經已累積到一定客量,目標係一年後唔使再租人場地,然後請老師教授,她就可以退居幕後結婚生仔,Regen嘅言論就觸及她的神經線。
不滿多年來被消費

Winkie強調自己唔係少少事發脾氣,爆seed絕對有理:「我開學校有我嘅客人,將來我老公有佢嘅親戚,我將來都會有小朋友,呢啲報道係一世㗎,將來小朋友問返『媽咪點解頂你唔順嘅?』咁我點教小朋友呀?」HotCha拆夥接近8年,Winkie極度不滿多年來一直被消費:「其實我經已忍咗4次,佢哋得閒就喺電台講吓,可能佢哋覺得講吓冇所謂,但唔知會傷害到我future,o依家已去到懸崖邊。」
「人身安全受到威脅」

Winkie更自爆過去10多年向朋友提及HotCha傷痛陰影都會崩潰爆喊:「由最初佢哋收埋練歌,我走音、跳舞甩步唔會提你,然後變本加厲喺其他人面前唱我蝦佢哋,真係好委屈好大壓力,其實我冇對人陰濕,只係有咩就攤開嚟講,結果乞人憎咗。其中一個隊友(Regen)去咗讀書,HotCha改成二人組,少咗個中間人做協調,我嚴重抑鬱咗兩年,佢(張紋嘉Crystal)對自己冇自信,認定我係競爭對手就更加傷害我,係咁拮我嚟保護自己,就算組合分開咗都針住不停講我壞話,傷害我名聲,仲煽動身邊朋友唔鍾意我,打完《G1格鬥會》之後感覺人身安全受到威脅,因為有4個女仔係佢哋嘅朋友,第一場經已畀鄧小姐(鄧穎芝)打爆缸,好記得其中一個對手好狠話要拗斷我隻手,所以我放棄繼續比賽,呢幾個女仔係危險嘅,朋友都提醒我要小心佢哋。」

 Winkie已block兩位舊隊友電話號碼求過美滿人生:「其實我人生冇乜負面嘢,只係唔好彩遇到呢班人,亦求佢哋可以完全忘記我,咁我安全就OK喇。我鍾意HotCha呢隊組合,但對兩個隊友係唔開心同失望嘅,不過都感激佢哋激發到我進修,帶畀我堅毅精神。」她強調大家要放棄對HotCha嘅集體回憶,更叫大家轉睇女團COLLAR。開心返晒 ■Winkie踢走晒啲負能量後,放下心頭大石,o依家開心返好多。

開心返晒 ■Winkie踢走晒啲負能量後,放下心頭大石,o依家開心返好多。
成軍唱片 ■HotCha於2007年10月18日推出首張專輯《HotCha HotCha》。
成軍唱片 ■HotCha於2007年10月18日推出首張專輯《HotCha HotCha》。
前塵往事 ■4年前,Winkie提出搞HotCha《十周年回憶慈善演唱會》,尾聲時,三人齊爆喊。
前塵往事 ■4年前,Winkie提出搞HotCha《十周年回憶慈善演唱會》,尾聲時,三人齊爆喊。
最大勁敵 ■HotCha變二人組合時,Winkie成為Crystal最大勁敵。
最大勁敵 ■HotCha變二人組合時,Winkie成為Crystal最大勁敵。
較為善良 ■Winkie眼中,Crystal同Regen多年嚟搞咗唔少小動作,但後者較為善良。
較為善良 ■Winkie眼中,Crystal同Regen多年嚟搞咗唔少小動作,但後者較為善良。
互不留手 ■《G1格鬥會》比賽節目,Winkie第一場對手係鄧穎芝,兩人互不留手。
互不留手 ■《G1格鬥會》比賽節目,Winkie第一場對手係鄧穎芝,兩人互不留手。
爆Seed互數 ■Winkie為網台節目錄影,回應組合互數事件時多次爆喊。
爆Seed互數 ■Winkie為網台節目錄影,回應組合互數事件時多次爆喊。
傷痕纍纍 ■Winkie展示當時傷勢,被對手打到傷痕纍纍。
傷痕纍纍 ■Winkie展示當時傷勢,被對手打到傷痕纍纍。
力撐好友 ■Crystal推出處女散文集邀得老友鄧穎芝充當攝影師。
力撐好友 ■Crystal推出處女散文集邀得老友鄧穎芝充當攝影師。
結婚生仔 ■34歲嘅Winkie準備結婚生仔,唔想被是非影響到將來。
結婚生仔 ■34歲嘅Winkie準備結婚生仔,唔想被是非影響到將來。

其他文章
hd