首頁 日報娛樂

中四輟學做過龍虎武師 「豬肉檔AK」Cute爆童年照獨家曝光

17/05/2022
體貼威B ■阿威好細心揀咗塊靚豬肉送畀記者做燒肉,做完訪問記者唔記得拎,阿威仲追出嚟畀返記者。
體貼威B ■阿威好細心揀咗塊靚豬肉送畀記者做燒肉,做完訪問記者唔記得拎,阿威仲追出嚟畀返記者。

「荃灣豬肉檔AK」劉宋威突然爆紅,短短兩星期,「威粉」於社交網成立嘅「荃灣鮮肉威威應援團」,現已超過萬三位成員。擁有Bling Bling眼神,小姐阿太狂讚佢靚仔又大隻嘅阿威,向《頭條日報》獨家公開4張絕密童年照,發現阿威由細靚到大,另他自爆中四輟學「炒散」養家,做過龍虎武師,偶像係鄭中基,每日返工前會整定飯盒畀屋企人,自言怕醜嘅佢仲好識做,主動揀嚿靚豬肉兼雙手送畀記者做楊屋道手信,「吸粉」能力超強。 採訪:方騫平 攝影:沈健程 場地:鮮味

35歲嘅阿威英文名叫Samuel,佢想親切啲,鍾意大家叫佢做阿威。問到煞食位,阿威直認自己有對笑容親切嘅「腰果眼」,其次係怕怕醜醜嘅性格,畀人和藹可親感覺。
曾入籃球排球校隊

翻開阿威嘅cute爆童年照,他自揭成長經歷:「因為有六姐一妹,我喺溫室中長大,所以比較怕醜,以前冇人讚我靚仔,只係話我眼大好睇,(幾時開始被讚靚仔?)哈……啱啱開始。」阿威坦承讀書成績一般,但熱愛運動,係學校排球及籃球隊隊員,曾為學校拎過獎,佢強調絕對唔係校草:「我發育得較遲,喺班中只排第4個高嘅男生,o依家身高1米82,體重180磅,之前會去健身、行山都操到6塊腹肌。」
最愛鄭中基夠搞笑

據本報收到獨家消息,天生一副明星相嘅阿威曾做過龍虎武師,佢直認10幾歲做過:「因為屋企問題,我讀到中四就離開咗學校,想快啲出嚟做嘢,最鍾意o依家份工,畀人睇到能力,滿足到自己,做每一樣嘢都有人欣賞你。」對於盛傳有唔少廣告商打佢主意,阿威雙眼即射向工作人員求助,又緊張到係咁抹汗,然後說:「唔清楚,暫時唔想改變生活住,有機會都想做吓啲旅行、飲食及行山節目,因為平時都有煮飯畀屋企人食。」他自爆偶像係鄭中基,最愛睇佢搞笑。當記者要求他唱兩句偶像嘅歌時,即怕醜地耍手:「我見網民建議用街市天王嚟撼MIRROR,我覺得幾好笑,冇得咁比較,我才能係煮食,唔係唱歌跳舞,至於MIRROR就係明星。」
讀書唔多勝在勤力

下月8日係阿威嘅36歲生日,生日願望只求身體健康,疫情快過:「其實應援團默默咁支持我都OK㗎喇。」至於應援團名字,他說有個威字就得,因為個名係屬於大家嘅。提到突然多女fans埋身,本報收到風話呢個「暖男老公」每隔兩小時就要同太太報到一次,不過他否認呢個說法:「大家係講個信字,我一收工會返屋企食飯,唔使報到。」最後阿威以自己經歷勉勵年輕人:「我冇後悔讀書少,都係靠自己雙手搵食啫,自己勝在夠勤力,但最重要識笑,以往都試過因為滿身紋身嚇親長輩,好彩和藹可親笑容搭夠。」趣緻細路 ■阿威小時候眼大大好可愛,佢話自己細個較靜,唔算好活躍。

趣緻細路 ■阿威小時候眼大大好可愛,佢話自己細個較靜,唔算好活躍。

冧爆記者 ■心情大好嘅阿威仲口花花話前臂no regret唇印(箭嘴示)紋身,係為記者而紋,正衰嘢。

冧爆記者 ■心情大好嘅阿威仲口花花話前臂no regret唇印(箭嘴示)紋身,係為記者而紋,正衰嘢。

怕醜面紅 ■叫阿威展示手瓜時,他怕醜到耳都紅埋。

怕醜面紅 ■叫阿威展示手瓜時,他怕醜到耳都紅埋。

爆紅原因 ■阿威有對煞食識笑嘅「腰果眼」。

爆紅原因 ■阿威有對煞食識笑嘅「腰果眼」。

緊張流汗 ■問到浪漫情史,佢更怕醜到滴晒汗唔願答,要行埋一邊除口罩抹汗。

緊張流汗 ■問到浪漫情史,佢更怕醜到滴晒汗唔願答,要行埋一邊除口罩抹汗。

除罩真身 ■除下口罩嘅阿威有啲似獨立歌手Tyson Yoshi。

除罩真身 ■除下口罩嘅阿威有啲似獨立歌手Tyson Yoshi。

暖男爸爸 ■阿威係暖男爸爸,返工前會整定餐盒畀家人。

暖男爸爸 ■阿威係暖男爸爸,返工前會整定餐盒畀家人。

阿威Fan Page ■「威粉」為阿威開咗fan page,有萬三fans Join咗。

阿威Fan Page ■「威粉」為阿威開咗fan page,有萬三fans Join咗。

唔怕競爭 ■豬肉檔旁的女檔主識咗阿威好多年,大讚爆紅前嘅阿威都係有禮貌嘅靚仔,男檔主話阿威戴口罩比唔戴好睇。而附近肉檔女員工話唔怕有競爭,笑言身邊個大叔靚仔啲。

唔怕競爭 ■豬肉檔旁的女檔主識咗阿威好多年,大讚爆紅前嘅阿威都係有禮貌嘅靚仔,男檔主話阿威戴口罩比唔戴好睇。而附近肉檔女員工話唔怕有競爭,笑言身邊個大叔靚仔啲。

 

其他文章
hd