首頁 日報娛樂

小店食午餐洩養生秘密 杜琪峯同長輩講到停唔到口

20/05/2022
■小店好細,杜Sir同長輩唔介意坐正門口位。
■小店好細,杜Sir同長輩唔介意坐正門口位。

電訊盈科所成立的新公司MakerVille於上月尾舉行發佈會,會上除咗播出由杜琪峯、游乃海及朱淑儀任監製的電影《命案》預告外,其中一個環節由谷德昭擔任主持,同鄭保瑞及杜琪峯等傾偈。雖然60有7,但杜Sir貼地又搞笑,談笑風生勁得網民歡心。
採訪:娛樂組

每逢鄭秀文生日都會見到杜Sir兩公婆及古天樂同Sammi慶祝,最難得年近70,但杜Sir都keep住鋼條身形,有腰有頸,真係唔容易㗎,最緊要塊面冇鬆弛,企埋班後生仔身邊一啲都唔輸蝕。
一餐食兩條魚

杜Sir住西貢,街坊都成日見到杜Sir拖狗散步。日前下午,着住巴塞隆拿球會運動外套及同色系運動褲嘅杜Sir,同一位女性長輩現身西貢巷仔,一間有點心同盅頭飯食嘅小店食lunch,睇佢裝扮應該做完運動。報料街坊表示,「佢有食菜同盅頭飯,蒸咗兩條魚,間小店冇魚賣,應該係自己拎嚟再叫小店蒸。」究竟要有幾鍾意食魚先會一餐飯食兩條魚?或者係佢養生keep fit之道,街坊仲話佢同長輩好好傾,邊食邊傾冇停過,但講咩就真係聽唔到嘞。■杜Sir夫婦近年都會同Sammi慶祝生日。

■杜Sir夫婦近年都會同Sammi慶祝生日。
■杜Sir上月出席MakerVille發佈會。
■杜Sir上月出席MakerVille發佈會。
■發佈會上嘅杜Sir幾開心。
■發佈會上嘅杜Sir幾開心。
■杜Sir食飯冇放好口罩,就咁拉低下巴位就算。
■杜Sir食飯冇放好口罩,就咁拉低下巴位就算。
■會上公開電影《命案》的預告。
■會上公開電影《命案》的預告。
■去年,杜Sir出席ViuTV台慶。
■去年,杜Sir出席ViuTV台慶。

其他文章
hd