首頁 日報娛樂

曾獲贈百萬醫藥費治前妻 艾威疫下手鬆頻借錢助友報恩

21/05/2022
與獎無緣 ■艾威話自己天生樣衰被迫做奸角,所以從來同獎項冇緣。
與獎無緣 ■艾威話自己天生樣衰被迫做奸角,所以從來同獎項冇緣。

年前,63歲嘅艾威為幫前妻醫重病花光積蓄,仲欠債百萬,好彩富貴朋友主動話唔使還。疫情下眼見唔少同行失業陷財困,艾威自爆合共借咗6位數字畀朋友紓困:「當如報答我嘅恩人囉。」 採訪:方騫平 場地:時光里程

艾威視早前播完嘅劇集《家族榮耀》為代表作,對於等咗43年先有代表作,他笑住自嘲:「哈……梗係有嘢係自己做錯,我諗樣衰就冇得改,又唔肯去整容,而且成日做奸角,所謂相由心生,成日想去害人個樣點會好呀?呢方面我同陳錦鴻都有同感,所以佢唔再做反派,我就冇得揀喇!」
網騙呃人趁火打劫

艾威由演戲講到做人,「虛榮心好普通,識朋友都鍾意搵個有錢啦;亦有啲若無其事問人借錢,開完工就順口話借兩嚿下次畀返你;仲有啲滿口仁義道德,轉頭就傷天害理……」他又自爆早前網購澳門雙重蝦子麵被騙咗300幾蚊,相當激氣:「我命中注定俾人呃,我又為食,見到銀碼唔大,啱啱網購完紅酒都OK,點知今次中咗招。」艾威力斥呢啲叫趁火打劫:「都舉報唔到,我只可以話善惡到頭終有報,o依家大家唔係過緊好日子,劫富濟貧就OK啫,有啲人訂糧係因為出街唔方便,300幾蚊對一啲人嚟講可以頂幾餐。」
要有走數心理準備

疫境下,艾威慶幸工作尚算OK,可以自資十萬蚊出歌《甘草》兼拍MV,滿足吓自己,同埋仲有能力借咗6位數字畀朋友。問到唔怕走數咩?他大笑說:「講咗啲人會唔還喎……但其實要有呢個心理準備,唔好對佢哋嘅承諾寄予厚望,咁樣仍然會有朋友做。以前我問人借過錢都係咁諗,只不過我信譽好啲,除咗嗰筆過百萬醫藥費叫還晒錢,雖然我朋友主動話送畀我,但都係我欠人嘅,既然我『手鬆』時有能力,咪將人哋幫我嘅能力,轉移返喺人哋身上,當係還錢。」艾威表示有mark返低條數,希望有生之年畀返恩人睇,希望佢知道冇幫錯人。
  他又指借錢有學問,借過唔還唔會再借:「仲有啲人相識滿天下,問我借係知我唔會講出去,呢啲我都唔會借,我唔想因為佢要面子累我財困。」有情有義 ■雖然同當時太太Lisa孭咗百萬醫藥費後,兩公婆都係離婚收場,但再見亦是朋友。

有情有義 ■雖然同當時太太Lisa孭咗百萬醫藥費後,兩公婆都係離婚收場,但再見亦是朋友。
仲有工開 ■疫情下,艾威帶埋愛犬開工。
仲有工開 ■疫情下,艾威帶埋愛犬開工。
盡其在我 ■艾威好欣賞李小龍語錄「盡其在我」,笑說疫情下會有好多嘢諗,蓋棺時倒轉寫成「我在其盡」都用得着。
盡其在我 ■艾威好欣賞李小龍語錄「盡其在我」,笑說疫情下會有好多嘢諗,蓋棺時倒轉寫成「我在其盡」都用得着。
七情上面 ■艾威在《家族榮耀》中,揭發楊茜堯遊艇偷情一幕演得七情上面。
七情上面 ■艾威在《家族榮耀》中,揭發楊茜堯遊艇偷情一幕演得七情上面。
自資出歌 ■艾威喺老師及監製指導下錄歌,呢個年紀仍然相當進取。
自資出歌 ■艾威喺老師及監製指導下錄歌,呢個年紀仍然相當進取。
變身粉絲 ■發哥成為集郵目標,艾威都唔錯過變身小粉絲。
變身粉絲 ■發哥成為集郵目標,艾威都唔錯過變身小粉絲。
拍HKTV劇 ■2015年跟林文龍為HKTV拍過劇集《三面形醫》。
拍HKTV劇 ■2015年跟林文龍為HKTV拍過劇集《三面形醫》。
相當經典 ■當年他跟黃宗澤及鄧麗欣等為TVB拍青春劇《戀愛自由式》。
相當經典 ■當年他跟黃宗澤及鄧麗欣等為TVB拍青春劇《戀愛自由式》。
相依為命 ■當年艾威同太太收養伯恩山愛犬Sashimi,o依家「兩父子」相依為命。
相依為命 ■當年艾威同太太收養伯恩山愛犬Sashimi,o依家「兩父子」相依為命。
登台常客 ■艾威在內地登台好有市場,可惜疫情影響好耐冇登台。
登台常客 ■艾威在內地登台好有市場,可惜疫情影響好耐冇登台。

其他文章
hd