首頁 日報娛樂

快33歲揀對象變謹慎 蔣家旻最怕姐弟戀似照顧細佬

23/05/2022
■對事業仍有追求的家旻,不心急拍拖生BB,揀到啱才發展。
■對事業仍有追求的家旻,不心急拍拖生BB,揀到啱才發展。

蔣家旻最近在劇集《雙生陌生人》飾演為達目的連愛情都可以犧牲的律師「Skylar」,她很享受演這類複雜角色,因本身比較簡單,而劇中被較年輕的何廣沛狂追,早前跟敖嘉年傳緋聞的她,坦承現實難發展姐弟戀,稱不心急拍拖,更公開擇偶條件。
採訪:杜杜 攝影:Billy
髮型:Jay Cheung@HAIR 服飾:Ztar_jp

蔣家旻雖然唔似「Skylar」,但就好愛這角色,「佢幾有型,又好叻女,處理每件事都好面面俱圓,係個好有吸引力嘅女仔。」劇中其中一個冧爆她,就是廣沛飾演的師爺「Otis」,兩人有段若即若離的姐弟戀,不過現實中家旻聽到姐弟戀大叫怕怕,「如果大過我多啲可以,如果細過我一定有代溝,好似照顧弟弟咁,大佢一、兩年都可以,但細10年真係唔得,佢幾成熟都未必溝通到,反而我想人哋照顧我,或者佢嘅人生經驗多過我,教識我多啲嘢。」
寧做朋友不要收兵

早前家旻正正跟大13年的敖嘉年傳出緋聞,她就再次澄清兩人只是朋友,她亦不心急拍拖,就算有追求者出現,若她沒特別好感亦不會單獨見面,「無謂令佢覺得係收兵,我喺感情世界比較黑白分明,唔似個角色利用一啲嘢或者攞着數,所以不如一班人相處吓先,未覺得有好感或者想發展,做朋友好啲。」

年底踏入33歲的家旻,現在揀對象變得好謹慎,會想得更加長遠,不會像年輕時衝動,「以前比較快去開始一段感情,o依家會了解吓對方,佢係不婚主義,可能我未必嘥時間。」至於揀對象條件,家旻不需要對方好有錢,只要有份穩定工作,「我呢行已經好唔穩定,好想另一半係好穩定,萬一我有咩事,佢可以支持到我。」男方性格亦不可以太悶,「我係宅女同好動嘅中間位,所以我都希望對方係一個中間位性格。」不過她強調不心急結婚,更未準備好做媽咪,「我玩人哋嘅小朋友好開心好有母愛,但未鍾意小朋友到好想即刻有BB,但我又唔會唔生囉!」■家旻在《雙生》飾演為達目的不擇手段的律師「Skylar」。

■家旻在《雙生》飾演為達目的不擇手段的律師「Skylar」。
■家旻演的「Skylar」為達目的犧牲了「Otis」(何廣沛)的感情。
■家旻演的「Skylar」為達目的犧牲了「Otis」(何廣沛)的感情。
■以往面對前輩馬德鐘會怯的家旻,現在演主動挑逗戲都不尷尬。
■以往面對前輩馬德鐘會怯的家旻,現在演主動挑逗戲都不尷尬。
■家旻唯一公開過跟朱敏瀚拍拖,兩人再見亦是朋友,去年更齊領飛躍進步獎。
■家旻唯一公開過跟朱敏瀚拍拖,兩人再見亦是朋友,去年更齊領飛躍進步獎。
■早前家旻跟敖嘉年合作劇集《欺詐劇團》,被指之後撻着約會。
■早前家旻跟敖嘉年合作劇集《欺詐劇團》,被指之後撻着約會。
■家旻圈中的好姊妹,只得她跟湯洛雯仲未嫁。
■家旻圈中的好姊妹,只得她跟湯洛雯仲未嫁。

其他文章
hd