首頁 日報娛樂

自攜最愛食物任嘉賓 姜濤餵軒仔食薯條 全場High爆

23/05/2022
■獲姜濤親手餵食薯條,軒仔笑言這種福利不是人人有。
■獲姜濤親手餵食薯條,軒仔笑言這種福利不是人人有。

張敬軒《THE NEXT 20》演唱會第十場,終於請來傳聞中的姜濤任嘉賓,軒仔大讚對方乖仔、勤力又好學,自認識他後就已經「買佢贏」。而姜濤就帶來他自己最喜歡吃的薯條送給軒仔,更親自餵食,令到在場歌迷嘩聲四起。

張敬軒演唱會多次傳出嘉賓名單,早前更有人在IG以「姜濤嘉賓」、「歌迷會專場」為賣點炒黃牛飛,事後軒仔和姜濤都親自否認傳聞,前晚姜濤終於出現。開場前,悉心打扮的姜媽在親友陪同下入場,而帶着口罩的姜濤亦和肥仔坐在觀眾席欣賞演唱會。
軒仔一早買姜濤贏

軒仔唱畢《On My Way》後,便介紹嘉賓出場,「幾年前我識咗個朋友,大家交換電話又係網友,佢畀我感覺好怕醜,第一次見我唔係好敢講嘢。佢每一次問我問題,都係關於唱歌、關於音樂,令我最感動係佢會將剛拍好嘅MV、錄好嘅新歌,都畀我聽,問我邊度唱得唔好,佢一路未停止過令自己進步,我覺得佢好叻,佢有齊鬥志,亦懂得將勤補拙。我當時回咗佢一個訊息,我話:『加油呀,我買你贏!』呢兩年我好開心,佢成為咗獨當一面嘅歌手。」繼而姜濤出場,兩人合唱《斷點》,全場歌迷起哄。
開心終於有啖好食

軒仔笑言寫這首歌的時候,姜濤還沒有出世,唱完二人互相擁抱,姜濤多次向台下觀眾說多謝,軒仔又表示:「你一定要加油,你睇今晚現場觀眾歡迎你個聲勢!我相信離你個唱唔遠㗎啦。」

姜濤指知軒仔做演唱會冇啖好食,所以帶了自己最喜歡的食物來作為禮物,捧出「漢堡包及薯條」,軒仔見禮物「嘩」一聲笑出來,「之前好多人送紙製品畀我,終於有啲實用又食得落肚!仲係澱粉質!」姜濤順手執起薯條,送到軒仔嘴邊,「你可以一陣或者演唱會後食⋯⋯」軒仔大笑,張嘴接過薯條,向現場觀眾笑道:「我真係話你知!呢啲福利得我有,哈哈!」引得不少「姜糖」及觀眾嘩聲四起,羨慕不已。接着姜濤在觀眾歡呼聲中,再獨唱了《Master Class》。■姜濤獨唱了《Master Class》一曲。

■姜濤獨唱了《Master Class》一曲。
■軒仔與姜濤合唱,令全場歌迷不停起哄。
■軒仔與姜濤合唱,令全場歌迷不停起哄。
■軒仔與姜濤合唱完,互相擁抱,好有愛。
■軒仔與姜濤合唱完,互相擁抱,好有愛。
■姜濤媽咪(中)在親友陪同下睇騷。
■姜濤媽咪(中)在親友陪同下睇騷。
■姜濤未上台前,與肥仔在台下欣賞軒仔演唱會。
■姜濤未上台前,與肥仔在台下欣賞軒仔演唱會。

其他文章
hd