首頁 日報娛樂

劉以豪與古力娜扎互動似撻着 黃真真疫下新領悟多陪男友

24/05/2022
■黃真真繼《被偷走的那五年》,再以失憶為概念創作電影。
■黃真真繼《被偷走的那五年》,再以失憶為概念創作電影。

黃真真自編自導新作《不要忘記我愛你》,被譽為《被偷走的那五年》姊妹作,同樣以失憶為概念,想帶出愛在當下的主題。《不》找來台灣男神劉以豪和內地女神古力娜扎演CP,因為男女主角甜蜜指數爆燈,令工作人員都以為佢哋撻着。對於兩位演員的表現,黃真真就大讚:「前途無限,肯努力同想進步好重要。」
採訪:秦詠姿 攝影:娛樂組

《不》原定情人節上映,但受疫情影響延至本月底,可見計劃趕不上變化,難怪問到黃真真下部作品,她都不禁反問:「可唔可以預告吓Covid幾時完?」雖然有計劃開拍科幻愛情片,不過疫情下好多嘢都難作準,正如新片的意念希望大家珍惜當下,「好多時我哋係有愛,但思維去咗將來。疫情令我哋明白當下好重要,所以我覺得情侶都要愛在當下。以前我好工作狂,但現在覺得工作之餘,會留啲時間陪男友或者行山,享受呢一刻好重要,反而仲可以將感情保鮮。」劉以豪與娜扎曾合拍電視劇《十二譚》,CP感和默契十足,但原來黃真真起初很排斥再找他們演情侶,「覺得會重複,會唔會冇咗新鮮感呢?」
劉以豪無可挑剔
  片中劉以豪因腦手術而無法保存短暫記憶,對娜扎的愛永遠保持新鮮感,黃真真覺得劉以豪無可挑剔,「好似冇咩難到佢,以豪令我好驚喜,因為喺現場佢好放得開、願意嘗試、自然流露,發展空間真係好大。」而男女主角現場互動都好甜蜜,「今次可以令佢哋再升溫,好多互動、即興都好流暢,我啲crew都問我,佢哋係咪拍拖。佢哋好多嘢傾,唔止幕前、幕後都好sweet,佢哋好懂得拍攝時保持一種溫度。」睇愛情片都想睇到男女主角被對方吸引,黃真真都大讚兩人完全做到呢一點。■黃真真對執導劇集有興趣,但比較傾向拍10集8集就完嘅劇。

■黃真真對執導劇集有興趣,但比較傾向拍10集8集就完嘅劇。
■劉以豪和娜扎互動甜蜜,工作人員以為二人撻着。
■劉以豪和娜扎互動甜蜜,工作人員以為二人撻着。
■黃真真開戲前與劉以豪和娜扎見面,確保二人都接受到即興演出,大讚二人有火花。
■黃真真開戲前與劉以豪和娜扎見面,確保二人都接受到即興演出,大讚二人有火花。
■黃真真認為劉以豪氣質與男主角不謀而合。
■黃真真認為劉以豪氣質與男主角不謀而合。
■娜扎第一次開會就拎出寫定的千字文,做足功課令黃真真好驚喜。
■娜扎第一次開會就拎出寫定的千字文,做足功課令黃真真好驚喜。
■娜扎片中的渣男前度一角,找來馬志威客串,黃真真大讚渣得出色。
■娜扎片中的渣男前度一角,找來馬志威客串,黃真真大讚渣得出色。

其他文章
hd