首頁 日報娛樂

《OPM》首做男一為晒肌忍口 黃庭鋒鬧湯洛雯係「魔鬼」

25/05/2022
■《雙生》演年輕版「馬神」嘅黃庭鋒覺得馬德鐘好專業,演技出神入化。
■《雙生》演年輕版「馬神」嘅黃庭鋒覺得馬德鐘好專業,演技出神入化。

入行6年嘅黃庭鋒是TVB力捧小生,除於新劇《雙生陌生人》扮演兩個年輕版馬德鐘外,於myTV SUPER上架劇集《OPM》中更首當男一。庭鋒坦言有機會就要瞓身搏到盡:「《OPM》係考牌作品,戲中有喊戲、笑戲、激動、內疚,甚至晒肌,面對好大挑戰。」他還踢爆湯洛雯係「魔鬼」,經常請食嘢誘惑他,真係少啲意志力都唔掂!採訪:方騫平
髮型:Chris Cheng 化妝:Daphy Cheung 服裝:Harrison Wong

黃庭鋒連續有兩套劇推出,《雙生陌生人》中既要跳海又被車撞,好彩都「益」佢,跟羅毓儀有kiss戲。庭鋒講返跳海鏡頭都一額汗,但演出時以專業角度行先唔識驚,「因為着住西裝,跳落海濕咗水係有一定重量,而且現場有好多蠔殼,掙扎咗20分鐘,度好晒位先敢落水;至於被車撞到飛起嗰幕,不論企位及反應都要好準。」
廢青變熱血青年

至於新劇《OPM》講述金融界狼人為金錢去到最盡,他由廢青變身熱血青年,更有情感爆發戲:「好彩對手湯洛雯係有力量演員;Ben Sir(歐陽偉豪)又搞笑,佢哋好快令我進入狀態。由於有場戲要晒肌,拍攝期間姚宏遠同我一齊互相鞭策做健身,不過,湯洛雯就變身『魔鬼』,一方面鼓勵我哋加油,另一邊廂又成日請食外賣,仲引誘我話『一嚿半嚿唔會影響六嚿(腹肌)嘅!有時真係抵受唔住食咗先講,不過做演員真係要好有定力,尤其男一更加要搏到盡。」黃庭鋒冇諗過「上位」問題,最緊要角色有發揮,拍完《OPM》學到唔少金融知識,暫時人生最大投資係買樓做咗業主。■黃庭鋒暫時人生最大投資係做咗業主。

■黃庭鋒暫時人生最大投資係做咗業主。
■《雙生》中黃庭鋒奪走羅毓儀熒幕初吻。
■《雙生》中黃庭鋒奪走羅毓儀熒幕初吻。
■黃庭鋒放膽拍撞車戲。
■黃庭鋒放膽拍撞車戲。
■黃庭鋒着西裝拍落水戲都幾吃力。
■黃庭鋒着西裝拍落水戲都幾吃力。
■湯洛雯跟黃庭鋒有感情戲。
■湯洛雯跟黃庭鋒有感情戲。
■黃庭鋒喺《OPM》展示六嚿腹肌。
■黃庭鋒喺《OPM》展示六嚿腹肌。

其他文章
hd