首頁 日報娛樂

上位小花為拍劇性感冇底線 郭柏妍坦言有布遮住就OK

26/05/2022
■Rosita只想專注拍劇,拍拖唔諗住。
■Rosita只想專注拍劇,拍拖唔諗住。

TVB劇集《雙生陌生人》中,飾演小律師嘅24歲前港姐季軍郭柏妍(Rosita),Crop top配熱褲扭動身體,隨住音樂拍子擘髀、趷籮加扭pat pat,狂野大跳鋼管舞相當好睇。上位「小花」Rosita坦言只要劇本適合,唔介意性感演出,仲話:「有啲布遮住就OK。」
採訪:方騫平
攝影:沈健程 服裝:myaleshia

Rosita在處女劇集《青春不要臉》中憑「陽光妹」清純形象獲讚,估唔到今次性感突破演出令人眼前一亮,尤其狂扭蛇腰,39吋長腿任睇,意態撩人好挑逗。原來Rosita係第一次接觸鋼管舞,「雖然我本身有跳開舞,但鋼管舞用嘅臂力比較多,原來有一定難度,因為唔識用力都搞到周身瘀傷。」作為新人嘅Rosita零包袱:「我愈嚟愈鍾意做戲,只要角色啱,健康性感係冇問題。」她又表示冇性感底線,「有啲布遮住就OK。」
熒幕初吻唔願畀何廣沛

對於被指係TVB上位小花,除咗較同屆港姐謝嘉怡等多機會外,更打低蘇皓兒演新劇《下流上車族》。Rosita謙稱:「其實公司都力捧緊好多藝人,我都多謝公司畀機會,而我跟同屆港姐會互相鼓勵;至於演《下流》係由公司安排,其他嘢唔太清楚。」


問到蘇皓兒係咪最大勁敵?Rosita表示會欣賞每一個人,更着重自己表現,希望有日好似馬德鐘一樣演技咁出神入化。Rosita仲話拍《雙生》時何廣沛好照顧她,又教她走位,獲益良多。問到未拍過咀戲嘅佢想唔想為何廣沛獻出熒幕初吻?她大笑說:「留畀下一套劇嘅男演員啦。」
■Rosita跟同屆港姐如謝嘉怡等好老友。

■Rosita跟同屆港姐如謝嘉怡等好老友。
■《雙生陌生人》中Rosita暗戀何廣沛。
■《雙生陌生人》中Rosita暗戀何廣沛。
■Rosita憑《青春不要臉》中「陽光妹」清純形象獲讚。
■Rosita憑《青春不要臉》中「陽光妹」清純形象獲讚。
■Rosita跳鋼管舞表現好狂野。
■Rosita跳鋼管舞表現好狂野。
■Rosita三圍32、22、33,身形不錯。
■Rosita三圍32、22、33,身形不錯。
■28歲嘅蘇皓兒同Rosita路線好相似。
■28歲嘅蘇皓兒同Rosita路線好相似。

其他文章
hd