首頁 日報娛樂

疫情下復出做直播熱身 李蘊讚Ian姜濤有外形又努力

27/05/2022
■30歲的Renee,雖然已結婚生子,但仍有陣少女味。
■30歲的Renee,雖然已結婚生子,但仍有陣少女味。

李蘊(Renee)2015年下嫁內地人羅章冠後,先後誕下一對子女,定居廣州專心相夫教子的她,淡出幕前多時,最近宣佈再跟前經理人合作。身在廣州的Renee接受《頭條》電話訪問透露,因疫情關係,復出後會先做直播作熱身,她又自爆有留意MIRROR,特別欣賞Ian和姜濤,讚他們有外形又夠努力。 採訪:杜杜

Renee在2016年誕下長女羅紫晞,再到2018年生細仔羅明新,湊成個好字。一直做全職媽咪的她,因細仔亦開始返全日制學校,子女每日早上7點多出門,下午5點多才放學,令她忽然多了空閒時間,加上去年發現脊椎腫瘤,促使她有復出念頭,「上年入咗兩次醫院,又做手術,覺得更要珍惜,有咩想試咪試,又冇蝕底嘅。」忽然復出,難免引人懷疑她跟丈夫關係,她強調一家人很幸福,「老公好支持我工作,況且佢同我經理人都好熟,所以好放心。」
想返香港打卡

不過由於疫情關係,Renee暫時會以網上工作為主,「主要都係做直播,唱歌嗰啲,希望用直播開始接觸返啲觀眾先,其實我出道得早,o依家好多後生仔未必識我,都好正常,因為我都有10年8年冇正式出嚟工作,所以等大家認識吓先,或者可以當我係新人,一個老新人呀,哈哈!」

雖然Renee好謙話擔心新一代不認識她,但她就有留意香港娛樂圈,更自爆是「鏡粉」,當中最欣賞Ian和姜濤,「我係鍾意Ian,對姜濤比較感興趣,雖然我係媽媽同師奶級,但好膚淺係睇表面先,但都睇到佢哋由《全民造星》比賽開始,成個歷程嘅努力,我好明白呢行好大壓力,佢哋撐得到o依家,已經好厲害,佢哋愈做愈好,希望佢哋繼續努力。雖然我未返香港,但見啲人周圍影佢哋啲廣告牌,香港可以發展到呢個程度,真係好勁呀!都想返香港見識吓!」■去年Renee發現脊椎腫瘤,幸好經手術切除後,並無大礙。

■去年Renee發現脊椎腫瘤,幸好經手術切除後,並無大礙。
■早前Renee跟丈夫、媽咪、細佬及子女,在廣州慶祝母親節。
■早前Renee跟丈夫、媽咪、細佬及子女,在廣州慶祝母親節。
■Renee跟銀行高層丈夫羅章冠,結婚7年依然恩愛。
■Renee跟銀行高層丈夫羅章冠,結婚7年依然恩愛。
■Renee上月已開始直播工作,先以歌聲跟觀眾接觸。
■Renee上月已開始直播工作,先以歌聲跟觀眾接觸。
■Renee欣賞Ian和姜濤不單有外表,入行以來亦很努力。
■Renee欣賞Ian和姜濤不單有外表,入行以來亦很努力。
■Renee笑指囡囡遺傳了她的表演欲,但性格頑皮難做童星。
■Renee笑指囡囡遺傳了她的表演欲,但性格頑皮難做童星。
■Renee跟好姊妹鄧紫棋和何超蓮,在內地仍不時有聚會。
■Renee跟好姊妹鄧紫棋和何超蓮,在內地仍不時有聚會。

其他文章
hd