首頁 日報娛樂

買狗仔衫揀足45分鐘 陳曉華蒲書局買心靈畫冊

27/05/2022
■狗仔衫好得意,陳曉華心大心細唔知買邊件好。
■狗仔衫好得意,陳曉華心大心細唔知買邊件好。

27歲嘅陳曉華(Hera)呢期曝光率好高,因為幾套劇都有佢份,《食腦喪B》及《廉政行動2022》,要忙宣傳咁咪冇時間拍拖?之前有傳方力申送狗公仔力追Hera,兩人皆否認,女方仲話忙到連阿媽都少見,關係仲變得好疏離。日前就見到Hera抽空去銅鑼灣揀狗仔衫,然後去書局睇書,行為都相當文青,小方想加分,下次唔好送狗公仔,送書啦。
採訪:娛樂組

42歲的方力申自從6年前與拍拖10年的鄧麗欣分手後,先後與馮盈盈及陳瀅傳緋聞,至今依然堅稱單身的他,被爆跟陳曉華發展地下情,對於突然同小方傳緋聞,Hera一頭霧水,「我哋以前合作過係朋友,但唔係經常聯絡,緋聞唔係真,我都想佢快啲搵到真命天女。」
睇到好入神

日前傍晚,Hera獨自到銅鑼灣希慎廣場行街,由於地下有寵物用品展覽,家有愛犬嘅佢係咁睇,情有獨鍾得意狗仔衫,有運動款有晚裝款,件件都好靚,揀咗成45分鐘都冇收穫,最後問店員攞埋咭片就離開。之後行咗上書局,孭住相機嘅Hera睇得好入神,見到啱嘅書就會影低佢,最後買咗兩本書,一本係南韓藝術家Henn Kim嘅黑白圖文作品集《Starry Night, Blurry Dreams》,屬於心靈治癒系書籍,可以令讀者釋放悲傷情緒,唔知Hera有咩心事呢?■陳曉華及愛犬叮叮。

■陳曉華及愛犬叮叮。
■陳曉華揀咗45分鐘都決定唔到。
■陳曉華揀咗45分鐘都決定唔到。
■好多款,又真係好難揀嘅,小方識做啦。
■好多款,又真係好難揀嘅,小方識做啦。
■睇啱書,陳曉華會用部大相機影低封面。
■睇啱書,陳曉華會用部大相機影低封面。
■去年兩人為玄學節目擔任嘉賓。
■去年兩人為玄學節目擔任嘉賓。
■再去書局睇書。
■再去書局睇書。
■陳曉華買咗呢本《Starry Night,Blurry Dreams》。
■陳曉華買咗呢本《Starry Night,Blurry Dreams》。

其他文章
hd