首頁 日報娛樂

《被消失的凶案》首演夫妻好合拍 陳靜談緋聞靠何華超解圍

16/06/2022
■DaDa跟超哥雖然是初次合作,但兩人相當有默契。
■DaDa跟超哥雖然是初次合作,但兩人相當有默契。


陳靜(DaDa)跟何華超在電影《被消失的凶案》首度合演夫妻,戲中DaDa經常被渣男老公超哥虐打,又要素顏兼有個8歲囝囝,而超哥在拍攝時更整傷兩條肋骨,兩人為演出相當瞓身。去年8月被《頭條日報》拍得跟「翻版李敏鎬」約會的DaDa,承認經常跟男方見面,但問到兩人發展可能,她只懂甜笑要超哥出手解圍。
採訪:杜杜 攝影:沈健程 髮型及化妝:Kayte Fung(DaDa)

超哥形容演繹的渣男角色好萬惡,「基本上成套戲,除咗警察我冇打過之外,其他角色都俾我打過,女人又畀我強姦。」所謂萬惡當然連老婆同仔都唔放過,不過要出手打DaDa,超哥怕令對方受傷好大壓力,但DaDa好專業,要求真做,她說:「係超哥令我會好安心咁豁出去,大家有信任就唔使諗咁多,可以專注返個角色。」 
傷肋骨瞞住拍

雖然超哥在戲中不時打人,但拍攝期間卻意外受傷,裂了兩條肋骨,DaDa爆他更瞞足一日照開工,「佢頂咗好耐,一路唔出聲繼續演,到佢把聲出唔到大家先知。」超哥解釋隱瞞原因,「唔想阻礙個拍攝進度,繼續拍埋嗰日場口,收工即刻去醫院,嗰日之後休息咗3個禮拜先至好返,o依家有keep住睇中醫調理。」

近年愛上健身和運動的DaDa,訪問當日見她又再fit了,她慶幸養成這個習慣,「未必係身體嘅鍛煉,反而係腦鍛煉令我更加有成就感,更加鍾意呢種自律。」問她是否受緋聞男友「翻版李敏鎬」影響更加鍾意運動呢?她勁甜笑話:「邊個嚟㗎!?你哋幫佢起咗個名,哈哈!佢都係好熱愛運動嘅人,提點咗我好多關於運動上嘅嘢,我o依家鍾意咗做運動,變得多咗同一啲鍾意做運動同埋注重健康嘅朋友一齊,分享同交流。」追問DaDa跟男方發展可能,幾時有真老公出現?她只識甜笑不懂回答,戲中「老公」超哥即幫手解圍,「我咪喺度囉!被消失的老公!哈哈!」■去年8月,《頭條日報》拍得DaDa跟「翻版李敏鎬」相約做運動,兩人有攬攬態度親暱。

■去年8月,《頭條日報》拍得DaDa跟「翻版李敏鎬」相約做運動,兩人有攬攬態度親暱。
■超哥讚DaDa拍攝時要求真打,工作態度夠晒專業。
■超哥讚DaDa拍攝時要求真打,工作態度夠晒專業。
■劇中有個8歲囝囝的DaDa,仲全程以素顏演出。
■劇中有個8歲囝囝的DaDa,仲全程以素顏演出。
■DaDa有提醒自己健身不能太沉迷,維持咁fit便可以。
■DaDa有提醒自己健身不能太沉迷,維持咁fit便可以。
■超哥今次角色好萬惡,但真人卻風趣幽默。
■超哥今次角色好萬惡,但真人卻風趣幽默。
■超哥傷肋骨後頂住全日照拍攝,令DaDa相當佩服。
■超哥傷肋骨後頂住全日照拍攝,令DaDa相當佩服。

其他文章
hd