首頁 日報娛樂

《孩子轉運站》來互相取暖吧

17/06/2022
唔係親人  ■圖中全部人都無關係,除咗IU同個BB,但一齊去玩關係好好。
唔係親人 ■圖中全部人都無關係,除咗IU同個BB,但一齊去玩關係好好。

導演是枝裕和擅長拍家庭故事,此片其實好有《小偷家族》味道,同樣屬於溫情犯罪家庭倫理片,講兩個男人擅自攞走本來放喺「嬰兒暫存箱」嘅BB,美其名話自己係經紀,收錢幫BB搵更好嘅父母,你點知你搵嘅父母一定係最好?(6月23日上映)撰文:廖思慧

是枝裕和以最簡單的語句介紹此片:「以一個孩子為故事中心,雖然主角彼此沒有血緣關係,但通過旅行成為一家人。」其實如公路版《小偷家族》,主線由搵買家代替收養,同時令偷B經紀尚賢(宋康昊飾)及東洙(姜棟元飾)與BB親生阿媽素英(IU飾)connect,三個完全冇血緣關係嘅人,產生如家人般的溫暖及親密感覺。
IU過譽了

睇是枝裕和電影你會估計被治瘉及被救贖,此片帶出選擇唔到血緣都可以選擇親情,有愛就係親人啦。宋康昊飾演一個洗衣舖老闆,欠人周身債無奈去做偷B賊,「希望替BB搵到好人家」,聽落心地幾好,但你借B搵錢,點計都係衰人。做開man爆男人角色的宋康昊今回做男版慈母,無時無刻流露溫暖慈母笑容,惡中帶善唔容易演繹,難怪奪康城影帝。至於IU,之前唔少評價讚佢演得好,更有望力爭康城影后,評嘅人一定冇乜睇過IU,佢最好嘅作品係《我的大叔》囉。

全片最鍾意孤兒院小肥仔,有佢嘅鏡頭特別醒神,串星反而更有驚喜,結局我會用得意嚟形容。周圍賣B ■一收到買家電話,三人組就會出動。

周圍賣B ■一收到買家電話,三人組就會出動。
窮鬼老闆 ■宋康昊係洗衣舖老闆,除咗洗衫仲會幫人改衫,佢好窮。
窮鬼老闆 ■宋康昊係洗衣舖老闆,除咗洗衫仲會幫人改衫,佢好窮。
偷B孖寶 ■宋康昊及姜棟元合力偷B去賣。
偷B孖寶 ■宋康昊及姜棟元合力偷B去賣。
齊見買家 ■大家一齊去見買家,互相幫眼。
齊見買家 ■大家一齊去見買家,互相幫眼。
追偷B賊 ■裴斗娜同李周映飾演刑警,跟蹤追捕偷B賊。
追偷B賊 ■裴斗娜同李周映飾演刑警,跟蹤追捕偷B賊。
精彩客串 ■朴海俊飾演買B男,佢一出現其實幾驚喜。
精彩客串 ■朴海俊飾演買B男,佢一出現其實幾驚喜。
扮係買家 ■李東輝係刑警臥底,有笑位。
扮係買家 ■李東輝係刑警臥底,有笑位。

其他文章
hd