首頁 日報娛樂

缺席囝囝生日同結婚周年 洪天明長留內地老婆詐晒型

17/06/2022
■身在杭州嘅洪天明好掛住屋企。
■身在杭州嘅洪天明好掛住屋企。

洪天明在新戲《被消失的凶案》中患有類風濕關節炎及濕疹,又會同「怨婦」DaDa有感情線,更有咀戲添。天明稱睇住DaDa成長,事隔多年首次合作,大讚對方演技進步咗唔少。 採訪:方騫平

片中洪天明跟同住的DaDa被警方懷疑通姦殺人,而天明為咗演繹呢個可憐人角色,每次開工都需要花逾6至7小時化特技妝變成爛面,連雙手及手肘關節位置都整到有水皰,好逼真。因為係類風濕關節炎病人,天明做乜都要慢動作,同以前拍動作片好唔同。
有妻兒情感變豐富

提到拍檔DaDa,天明說:「佢出道時我已經識佢,但一直冇聯絡,諗唔到第一次合作拍戲咁有驚喜。本來我哋覺得冇需要有咀戲,後來導演堅持,不過,最難反而係一齊拍喊戲,好彩o依家有家庭,情感豐富咗,比較容易喊得出。」近年洪天明在內地發展,他坦言好想留港拍港產片,爭取同家人見面機會,「最長一次唔喺香港8個月,離港時兩個仔洪大仁和洪竟琋喊到癲,今年第一年陪唔到囝囝過生日及慶祝結婚周年,老婆周家蔚詐晒型,但疫情下真係冇辦法,希望佢可以體諒,我都係為咗搵食,始終疫情下生意影響好大,投資嘅餐飲、直播和電影公司同樣受影響,收入唔穩定。」■洪天明都想再參與《超級無敵獎門人》。

■洪天明都想再參與《超級無敵獎門人》。
■片中有濕疹嘅洪天明,每次開工都需要花6小時化特技妝。
■片中有濕疹嘅洪天明,每次開工都需要花6小時化特技妝。
■洪天明同妻兒聚少離多,老婆周家蔚好唔高興。
■洪天明同妻兒聚少離多,老婆周家蔚好唔高興。
■導演臨時加返洪天明同DaDa嘅咀戲,明醒佢。
■導演臨時加返洪天明同DaDa嘅咀戲,明醒佢。
■三母子平日只能靠視像跟他見面。
■三母子平日只能靠視像跟他見面。
■離港前兩子攬實天明唔放,喊到癲。
■離港前兩子攬實天明唔放,喊到癲。

其他文章
hd