首頁 日報娛樂

「御用癲婆」驚喜玩詭異獲讚 趙希洛狂摑陳山聰面都紅晒

17/06/2022
■趙希洛鍾意睇暗黑真實紀錄片,研究人類心態嚟操演技。
■趙希洛鍾意睇暗黑真實紀錄片,研究人類心態嚟操演技。


有無線「御用癲婆」之稱嘅趙希洛,喺TVB劇集《十八年後的終極告白2.0》再度「發功」,演技獲讚。她預言好戲在後頭,稍後劇情會更激,除咗有激動牀戲外,仲會狂摑陳山聰嚟洩憤,趙希洛首次玩真打緊張到不得了,但好感激呢位好拍檔嘅信任及力撐:「佢好抵得諗,係抵讚嘅。」
採訪:方騫平 攝影:林建安

劇中剛小產的趙希洛知道老公陳山聰與譚凱琪搞婚外情,雙重夾擊下大報復,一秒變奸,詭異嘅眼神加上陰險笑容,被網民大讚「瘋狂DNA」回歸了。她既驚又喜:「可能大家鍾意我做某一類型嘅角色啦,但我都冇諗過竟然有咁多人留意我,呢啲評語每個演員都鍾意聽到,唯一擔心會被定型,之後被困喺某啲角色上。」
打完個心唔舒服

趙希洛認為,《十八年後》最難應付係有場要真打陳山聰嘅戲:「原先劇本冇呢場戲,但睇完劇本,Joyce(角色)當時谷到爆好需要發洩,我同監製要求加返場掌摑戲落去,山聰聽到都一口答應。以前分別借位打過鄺潔楹及李施嬅,但今次首次打落人哋塊面,雖然有避開摑到佢耳骨,但進入狀態太投入時都會打錯位,仲要補鏡位打咗兩次,每次都大大力打到啪啪聲,山聰面都紅晒,真係唔好意思,始終被打嗰個都唔好受。」■《金宵大廈2》中趙希洛曾出手摑過李施嬅。

■《金宵大廈2》中趙希洛曾出手摑過李施嬅。
■趙希洛屈譚凱琪推佢落樓梯,之後一秒變臉。
■趙希洛屈譚凱琪推佢落樓梯,之後一秒變臉。
■趙希洛大讚陳山聰係最窩心嘅好拍檔。
■趙希洛大讚陳山聰係最窩心嘅好拍檔。
■趙希洛喺《金宵大廈》中演癲婆上位。
■趙希洛喺《金宵大廈》中演癲婆上位。
■趙希洛在《萬千星輝頒獎典禮2019》憑《金宵大廈》奪「最佳女配角」。
■趙希洛在《萬千星輝頒獎典禮2019》憑《金宵大廈》奪「最佳女配角」。
■前日,趙希洛有大露背場口。
■前日,趙希洛有大露背場口。

其他文章
hd