首頁 日報娛樂

被何華超舔面濕吻施暴 林寶玉瞓身拍撞到頭痛:珍惜每個機會

18/06/2022
密密接Job ■因為Connie有樣又夠搏,愈嚟愈多幕前job。
密密接Job ■因為Connie有樣又夠搏,愈嚟愈多幕前job。

「亞視一姐」薛影儀經理人林寶玉(Connie)被網民大讚索過阿儀好多,一直有做幕前的她有份參與新片《被消失的凶案》,雖然戲份唔多,但就相當搶戲。32歲嘅Connie扮演清純學生妹,慘遭無惡不作嘅何華超撞暈後施暴,施暴場口仲相當大膽。首次在幕前「激戰」,Connie堅定表示:「只要全情投入就會零包袱。」 
採訪:方騫平 攝影:沈健程

片中林寶玉遭何華超撼頭埋牆,撞暈後慘被霸王硬上弓,零反應的Connie攤喺牀墊上,任由何華超伸脷舔勻全面再舔嘴邊,然後嚟個濕吻,最後加入連串粗暴肢體動作。Connie睇首映先發現原來呢場戲,拍出嚟嘅效果係咁大膽。
讚超哥係君子

處女下海面對施暴戲,Connie坦言初時都有啲擔心,所以拍前都要調節自己,要拋開經理人包袱,全情去投入嗰個環境。她大讚超哥係好有禮貌嘅君子,所以釋除晒疑慮:「拍攝前,超哥先同我講點樣做、會有乜動作,每個步驟都同我溝通好晒,為咗做到更加猥瑣,仲臨時要求加插伸脷舔面動作,因為拍得太過投入,加上跟拍檔有互信,我都唔記得晒當時拍咗啲乜。哈!當時撞到個頭仲好痛,我真係有啲迷迷哋。」
堅守三點不露

問到拍埋身「動作戲」可會尷尬?Connie好pro咁話:「鏡頭前拍到我全裸啫,其實我有着肉色內褲及用Nu Bra打底,超哥亦有嘢保護住前面!我哋仲隔住一塊棉墊郁動,基本上大家冇乜感覺,咪係做緊戲囉。」她認為,演戲難免有親熱戲,合情合理絕對可以接受,唔會有避忌,只會堅守三點不露。被姦戲拍咗兩日,但只係出得短短兩分鐘,Connie一啲都唔介意,仲話願意為藝術而犧牲:「我真心鍾意演戲,會珍惜每個機會,就算演醜角、情婦、花瓶、甚至喺《金宵大廈2》蒙眼被打嘅『大茄』,然後只得一千蚊演員費都冇乜所謂,每次有得發揮我都想試,因為每個都係機會,所以每次都會搏到盡,希望畀觀眾睇到我對演戲嘅誠意,而唔係花瓶。」興奮伸脷 ■片中何華超興奮對住Connie伸脷,拍前要調節心情。

興奮伸脷 ■片中何華超興奮對住Connie伸脷,拍前要調節心情。
慘遭蹂躪 ■戲中冇晒反應嘅Connie慘被何華超蹂躪。
慘遭蹂躪 ■戲中冇晒反應嘅Connie慘被何華超蹂躪。
合作愉快 ■Connie大讚超哥係好有禮貌嘅君子,合作愉快。
合作愉快 ■Connie大讚超哥係好有禮貌嘅君子,合作愉快。
拋開包袱 ■Connie拋開經理人包袱投入拍戲。
拋開包袱 ■Connie拋開經理人包袱投入拍戲。
中門大開 ■電影《我的筍盤男友》中Connie演情婦,「中門大開」好進取。
中門大開 ■電影《我的筍盤男友》中Connie演情婦,「中門大開」好進取。
人夫結緣 ■電影《我的筍盤男友》中Connie演情婦,「中門大開」好進取。
人夫結緣 ■電影《我的筍盤男友》中Connie演情婦,「中門大開」好進取。
人夫結緣 ■《愛•回家之開心速遞》中,跟麥秋成拍過咀戲。
人夫結緣 ■《愛•回家之開心速遞》中,跟麥秋成拍過咀戲。
愛演醜角 ■Connie覺得做醜角好有發揮。
愛演醜角 ■Connie覺得做醜角好有發揮。

其他文章
hd