首頁 日報娛樂

《十八年後》首演惡女獲讚 譚凱琪現實對老公好溫柔

21/06/2022
■Zoie強調現實並非惡女,「大家都唔使驚!私底下嘅我係好好人,好溫柔㗎!」
■Zoie強調現實並非惡女,「大家都唔使驚!私底下嘅我係好好人,好溫柔㗎!」

譚凱琪(Zoie)最近在劇集《十八年後的終極告白2.0》,首次飾演惡女獲外界讚賞,她開心新挑戰有好反應,但她拍攝時剛生完BB,有一定壓力,幸好對手個個好照顧。不過Zoie強調惡女只是演技,現實中的她好溫柔,同老公任何事都有商有量,湊1歲半囡囡兩人亦會分工合作。
採訪:杜杜 攝影:沈健程
髮型:jamie@hair 化妝:Henry lee 飾物:Qeelin

對於劇中的惡女「Queenie」,Zoie演落先識驚,「好有挑戰性,呢個角色對住個老公係好霸氣,或者見到啲唔高興嘅事,好敢去講去鬧,初初我都冇諗過會咁難演,可能係我自己個性格去演呢類型角色會辛苦少少,因為我平時講嘢都唔會好大聲,變咗要用好多氣力去演。」演出獲讚她當然好開心,「畀觀眾睇到譚凱琪有另一面,好多人睇到『嘩!譚凱琪可以咁惡嘅!』我都開心㗎!」
邊拍劇邊揼奶

有好表現,Zoie覺得除了自己努力,監製以及台前幕後幫助好大,特別是她當時生了BB只是4、5個月,開工仍要忙於揼奶餵囡囡,「有時我自己都唔醒覺要做呢個動作,其他演員會幫我同導演講,『你預返啲時間畀Zoie揼奶』,有時拍多兩個鏡頭先到我,即刻走咗去揼,o依家阿女肥肥白白都多得各位。」

劇中Zoie演惡妻,現實呢?她即好肯定話:「完全唔似,我哋冇話邊個惡唔惡,係平等,我哋係會buy個道理多啲,大家有商有量。」至於照顧囡囡BabyG,兩夫妻亦會分工合作,「老公負責餵奶,夜晚佢一喊會去抱佢招呼佢,因為我嗰時去咗拍劇,佢慣咗爸爸同佢瞓,我同佢瞓唔得,初初都傷心,o依家都覺得未嘗唔係一件好事,而同佢玩、沖涼,同埋三餐膳食就係我安排。」Zoie更強調跟老公絕對不是怪獸家長,「我啱啱發現好似錯過咗幫佢報N班,哈哈!睇吓o依家有冇學校收佢,如果有就唔使等。」■Zoie強調做了媽咪,依然想有自己事業,多謝老公支持她繼續工作。

■Zoie強調做了媽咪,依然想有自己事業,多謝老公支持她繼續工作。
■Zoie大讚劇中老公譚俊彥好有風度,拍親熱戲都可以好放心。
■Zoie大讚劇中老公譚俊彥好有風度,拍親熱戲都可以好放心。
■2020年10月出世的BabyG就快兩歲,已識同Zoie有好多互動。
■2020年10月出世的BabyG就快兩歲,已識同Zoie有好多互動。
■Zoie演的「Queenie」,惡起嚟真係幾得人驚!
■Zoie演的「Queenie」,惡起嚟真係幾得人驚!
■Zoie未有計劃追多個BB,因而好怕經歷多次懷孕過程。
■Zoie未有計劃追多個BB,因而好怕經歷多次懷孕過程。
■Zoie和圈外老公莊日宇(Enrico),婚後依然好恩愛。
■Zoie和圈外老公莊日宇(Enrico),婚後依然好恩愛。

其他文章
hd