首頁 日報娛樂

欽點姜皓文 車婉婉助陣 莊澄拍回歸電影 發放正能量

22/06/2022
派正能量 ■莊澄為回歸電影《一樣的天空》做監製,為香港帶出正能量。
派正能量 ■莊澄為回歸電影《一樣的天空》做監製,為香港帶出正能量。

為慶祝香港回歸25周年嘅電影《一樣的天空》,由莊澄監製,集結4位新晉導演陳翊恆、潘梓然、侯楚峰及葉正恒共同執導,透過4個勵志性單元故事發放正能量,表達人間有情、共同向上及共融。莊澄表示:「呢啲戲幾時都啱睇,o依家更加要講多啲共融。」今次他欽點姜皓文、車婉婉演出,大讚姜皓文夠威嚴,啱做舞獅會師傅,最驚喜他竟然能打起獅鼓來。 採訪:方騫平 攝影:沈健程

由銀都機構、英皇電影、寰亞電影及天下一電影聯手出品,回歸電影《一樣的天空》於本月23日上映,電影貫串1997年至今4個年輕人成長的故事,燃起生命亮麗嘅火花。今次能撮成好事,係來自銀都機構總裁陳一奇嘅構思,將《美麗香港人‧情‧事》短片拍攝比賽優化,並登上大銀幕。
爆疫期間開工中招

莊澄大讚幾位新導演表現出色,令投資者相當滿意。唯獨第4個單元《獅子樁下》拍到最後一日,劇組陸續有人確診,但翌日侯楚峰嘅《梨園荊夢》要補多一組戲,大家喺高度戒備、有驚無險下完成。

對於跟4名新導演合作,莊澄自覺有得着,「其實我喺佢哋身上都得到新啟發,佢哋好有衝勁,就算冇可能嘅事都會大膽去嘗試,佢哋嘅熱情再燃起我星星之火。」
張兆輝帶演員入戲

陳翊恆負責執導《90度角的世界》,講患有自閉和強迫症嘅周祉君,喺社工王菀之及院長袁富華給予機會下,發揮藝術天份。莊澄大讚周祉君演得好好,而吳浣儀及王菀之撞埋一齊好有化學作用。

潘梓然執導嘅《乘風破浪》講述行船嘅嚴父張兆輝,跟胡鴻鈞釀成父子間嘅矛盾。潘導大讚好戲之人張兆輝幫到演員入戲,胡鴻鈞表現超出想像,跟電視劇中演出好唔同。片中表達人與人之間誤會係欠缺溝通,他亦反映,時下年輕人係有理想唔係廢青。
米雪唱粵曲有驚喜

《梨園荊夢》由侯楚峰執導,講十年人與事,片中描述米雪及石修愛玩粵曲,跟玩流行音樂嘅林德信唔啱feel,最後突破粵劇體裁,以電子音樂伴奏演出折子戲,就算係和而不同亦能共融訊息。侯導讚米雪好勤力,為首演粵劇努力操曲,唱得有板有眼,即使石修拍和唱「河車」及徐浩昌彈結他都好有驚喜;音樂人林德信角色更似度身訂造。

至於葉正恆執導嘅《獅子樁下》係講姜皓文收尼泊爾人Bipin Karma為徒,幫他實現舞獅頭夢想,講出種族融合,透過合作就會獲勝嘅道理。葉導指Bipin Karma係跆拳道兼飛躍道高手,故身手敏捷,受訓兩個月就大膽上樁演出,反而挑戰廣東話最困難。夠晒驚喜 ■莊澄大讚姜皓文打起獅鼓有板有眼。

夠晒驚喜 ■莊澄大讚姜皓文打起獅鼓有板有眼。
表現出色 ■莊澄大讚新晉導演侯楚峰(左一)、潘梓然(左二)及葉正恒(右一)表現出色。
表現出色 ■莊澄大讚新晉導演侯楚峰(左一)、潘梓然(左二)及葉正恒(右一)表現出色。
撮成好事 ■由銀都機構總裁陳一奇(右三)將《美麗香港人‧情‧事》短片拍攝比賽優化,成為回歸電影。
撮成好事 ■由銀都機構總裁陳一奇(右三)將《美麗香港人‧情‧事》短片拍攝比賽優化,成為回歸電影。
昨晚首映 ■麗新集團主席林建岳(左五)、英皇集團主席楊受成(左七)等,昨晚齊主持《一樣的天空》首映禮儀式。
昨晚首映 ■麗新集團主席林建岳(左五)、英皇集團主席楊受成(左七)等,昨晚齊主持《一樣的天空》首映禮儀式。
星光熠熠 ■石修、米雪、姜皓文、林德信和袁富華等,聯袂出席首映禮,現場星光熠熠!
星光熠熠 ■石修、米雪、姜皓文、林德信和袁富華等,聯袂出席首映禮,現場星光熠熠!
好有發揮 ■周祉君演自閉和強迫症病人,好有發揮。
好有發揮 ■周祉君演自閉和強迫症病人,好有發揮。
好戲之人 ■《乘風破浪》中由好戲之人張兆輝和車婉婉演兩公婆,幫到胡鴻鈞入戲。
好戲之人 ■《乘風破浪》中由好戲之人張兆輝和車婉婉演兩公婆,幫到胡鴻鈞入戲。
實現夢想 ■姜皓文為Bipin Karma實現舞獅頭夢想。
實現夢想 ■姜皓文為Bipin Karma實現舞獅頭夢想。
度身訂造 ■林德信演音樂人角色,如同度身訂造。
度身訂造 ■林德信演音樂人角色,如同度身訂造。
大膽上樁 ■演員Bipin Karma受訓兩個月就大膽上樁,為《獅子樁下》演出。
大膽上樁 ■演員Bipin Karma受訓兩個月就大膽上樁,為《獅子樁下》演出。
有板有眼 ■米雪處女唱戲曲,不論造型及唱腔有板有眼。
有板有眼 ■米雪處女唱戲曲,不論造型及唱腔有板有眼。
好有火花 ■米雪及石修喺《梨園荊夢》合作好有火花。
好有火花 ■米雪及石修喺《梨園荊夢》合作好有火花。

其他文章
hd