首頁 日報娛樂

《嘉嘉醫療自助班》拍上癮 敖嘉年梁嘉琪狂攞醫生卡片

24/06/2022
■嘉年和嘉琪都話有好多奇難雜症想向醫生請教,希望節目有機會開第二季。
■嘉年和嘉琪都話有好多奇難雜症想向醫生請教,希望節目有機會開第二季。

敖嘉年和梁嘉琪相識十多年,最近首度合作主持開電視節目《嘉嘉醫療自助班》,兩人都開心表示拍節目有好多得着,因趁機可以瘋狂問醫生問題,除了自己醫學常識有增進,連身邊人都受惠。兩人更加拍到上癮,強烈要求開第二季外,更希望再有合作機會,嘉琪最想跟嘉年合作拍劇。 採訪:杜杜 攝影:沈健程
髮型:Rigel Ng@ Rigel's Beauty Arts(嘉年) 化妝:Philip Lee@HAiR(嘉年)
服裝:Bespoked Ian Chang(嘉年)、K times 2(嘉琪) 場地:The AIR(The ONE)

節目每集就不同主題邀請醫生,拆解坊間好多謬誤與迷思,嘉琪和嘉年都有趁機向醫生請教,嘉琪說:「o依家互聯網咁發達,大家有病唔係第一時間睇醫生,而係上網查,包括我自己都係,但愈查就會愈驚,發覺好多病個病徵好似,所以今次每集拍完,我就捉住醫生攞卡片,問佢好多問題,仲幫屋企人問埋。」不過嘉年坦言問完醫生,反而好沮喪,「近年我睇得多電話、電腦,近視同散光都加深咗,食啲坊間保養品希望有幫助,但醫生話食冇問題,維他命對身體有益處,但係可唔可以令到佢變返好?係唔得嘅。」嘉琪即笑言:「死咗條心啦你!」兩人異口同聲話,節目會警惕他們更注重生活習慣,才能保持健康體魄。
令人安心的前輩

兩人拍檔後更覺得未夠喉,嘉琪更加想跟前輩繼續學嘢,「可唔可以繼續呀!?我不嬲好欣賞嘉年,一路都好想同佢合作,每次見到佢,畀我覺得係好安心一個前輩。」嘉年搞笑問她:「有啲咩前輩係好危險㗎!?哈哈!」嘉琪再補充:「安心係喺佢面前做任何嘢,都會好包容我,佢又有個好靜嘅氣場,因為我個人好急躁,今次知道同佢合作,第一個反應係『Yes!』。」而嘉年則讚嘉琪聰明,是個好對手,「合作最緊要開心,佢又好活潑,好清楚點樣做,有自己idea,主持方面佢係我前輩,主持嘅火花係好緊要,除咗醫療之外,我哋可以有其他合作。」嘉琪即提議,「我好想同佢拍劇,好想向佢學習。」■疫情令嘉琪跟朋友合資的服裝品牌K times 2生意大受影響,最近有消費券才稍為好轉。

■疫情令嘉琪跟朋友合資的服裝品牌K times 2生意大受影響,最近有消費券才稍為好轉。
■嘉年和嘉琪在節目中會訪問醫生及嘉賓,這集嘉賓有鍾慧冰。
■嘉年和嘉琪在節目中會訪問醫生及嘉賓,這集嘉賓有鍾慧冰。
■嘉年最近忙於為ViuTV新劇《野人老師》開工。
■嘉年最近忙於為ViuTV新劇《野人老師》開工。
■嘉年和嘉琪雖然是首次拍檔做主持,兩人都覺得好合拍。
■嘉年和嘉琪雖然是首次拍檔做主持,兩人都覺得好合拍。
■嘉琪大讚嘉年令後輩很安心,令急躁的她都變得平靜。
■嘉琪大讚嘉年令後輩很安心,令急躁的她都變得平靜。
■嘉年欣賞嘉琪有諗法,一齊拍檔做節目特別有火花。
■嘉年欣賞嘉琪有諗法,一齊拍檔做節目特別有火花。

其他文章
hd