首頁 日報娛樂

節衣縮食做音樂 馮允謙形容開處男Show係「奇蹟」

25/06/2022
■馮允謙會將賺返嚟嘅錢都用喺音樂上。
■馮允謙會將賺返嚟嘅錢都用喺音樂上。

「唱作王子」馮允謙(Jay)等咗10年終於願望成真,將於7月2至5日在九展舉行《馮允謙Have a JAY Time 2022 》處男演唱會,Jay形容演唱會充滿愛:「開賣個半鐘就搶晒啲飛,反應較想像中好。」他同爸爸都形容呢個係天降「奇蹟」。
採訪:方騫平 攝影:沈健程
化妝:Evelyn Ho 髮型:JamieLeeHair
造型:Matthew Chan 服裝:Loewe 場地:海洋公園萬豪酒店

34歲馮允謙的處男個唱將會挑戰四面台,為咗照顧四面觀眾,較為考驗體力,仲事先張揚會請嚟新晉歌手做嘉賓,之前他與MC(張天賦)合唱《反對無效》英文版鬥飆高音,問到係咪再接再厲?他賣個關子話要度吓時間,但肯定唔係MIRROR:「佢哋都忙演唱會綵排啦,我好鍾意佢哋,尤其對唱歌嘅熱情,個個都好有特色,希望同到佢哋合作,等我專心做好演唱會後,安心去捧佢哋場。」
唱歌就係人生

出道10年,馮允謙曾經身處谷底,更閃過放棄唱歌的念頭,「雖然爸爸冇認真叫我轉行,但都叫過我好好考慮一吓前路,嗰時我節衣縮食堅持做音樂,家人見我咁辛苦會擔心。其實每年我嘅心願都係開騷,直至4年前加入新公司仲係質疑緊自己嘅能力,唔敢同老闆提出要求,但求做多啲好歌就算。」身在香港嘅爸爸會見證他的第一次,女友喺加拿大返新工就走唔開,「爸爸話諗唔到個仔,唱到31歲先畀人留意到!」Jay強調唱歌就是他的人生,冇一樣工作會令他咁快樂。

■Jay留港發展獲家人支持。

■Jay留港發展獲家人支持。
■Jay喺張敬軒個唱中送上自己個唱門票,而他下個目標就係想進軍紅館。
■Jay喺張敬軒個唱中送上自己個唱門票,而他下個目標就係想進軍紅館。
■MC、黃天翱、馮允謙參與《CHILL CLUB Keep Going》演唱會。
■MC、黃天翱、馮允謙參與《CHILL CLUB Keep Going》演唱會。
■去年8月,Jay和陳卓賢曾合作舉行《我是現場音樂會》。
■去年8月,Jay和陳卓賢曾合作舉行《我是現場音樂會》。
■Jay下月九展開處男個唱,一票難求。
■Jay下月九展開處男個唱,一票難求。
■喺鄭欣宜演唱會中,Jay突然單膝下跪送上驚喜。
■喺鄭欣宜演唱會中,Jay突然單膝下跪送上驚喜。

其他文章
hd