首頁 日報娛樂

相隔9年再開Show人生無憾 鄭融曾想放棄唔好辛苦自己

29/06/2022
■鄭融信心返晒嚟,笑容都多咗。
■鄭融信心返晒嚟,笑容都多咗。

相隔9年,鄭融(Stephanie)將於7月16日假麥花臣場館舉行一場《"TRUTH AND DARE" 鄭融演唱會2022》。由年頭憑一曲《多喝水》奪得「叱咤十大」第4位到即將開show,啟發她要用心做好自己,迎接新事物,咁人生就會無憾。
採訪:方騫平 攝影:梁迺枬
髮型:Jamie Lee@Hair 場地:觀塘游牧堂

疫情嚴峻期間,Stephanie接到開show邀請,對於主辦單位竟然對佢咁有信心,除咗感動就係難以置信,她興奮地說:「我終於有樣嘢可以向歌迷交代喇!多年嚟佢哋都追問我,究竟幾時開演唱會呢?」所以今次仲會照顧埋海外fans,會有線上直播,可全世界同步睇show。
入行19年好多感受

演唱會主題玩真心話與大冒險,鄭融認為每個人都有自己嘅秘密花園,到時會分享一啲內心說話,亦會唱出心聲及經歷,「好似《借》、《還》、《紅綠燈》、《成就感》、《斷片》等都會唱到。」對於鄭秀文曾擔任關心妍(Jade)演唱會嘉賓為她打氣,明白Jade喺呢行20年唔容易,出道19年嘅Stephanie坦言感同身受:「以前唔係好明白點解啲人想放棄,但當經歷過某啲困難真係覺得好辛苦,加上公眾人物受關注,壓力都幾大,間中就會諗吓放棄,唔好咁辛苦自己!o依家過咗個關口選擇留低,反而認識自己更多,又發覺自己唔係冇價值,o依家決心大過負能量。」■演唱會上將展示健康性感。

■演唱會上將展示健康性感。
■2017年,鄭融曾跟連詩雅開show。
■2017年,鄭融曾跟連詩雅開show。
■鄭秀文曾以嘉賓身份,在關心妍個唱中為她打氣。
■鄭秀文曾以嘉賓身份,在關心妍個唱中為她打氣。
■鄭融近年沉迷運動,但為個唱更加努力練氣。
■鄭融近年沉迷運動,但為個唱更加努力練氣。
■鄭融近兩年只推出一首作品《多喝水》,但唱到街知巷聞。
■鄭融近兩年只推出一首作品《多喝水》,但唱到街知巷聞。
■鄭融對上一次個唱,已是2013年。
■鄭融對上一次個唱,已是2013年。

其他文章
hd