首頁 日報娛樂

馬明笑言:唔係有時間就結婚 林夏薇食唔肥體重唔夠100磅

06/07/2022
■林夏薇亦期待北上發展,希望能有更多新嘗試。
■林夏薇亦期待北上發展,希望能有更多新嘗試。

TVB(無線)昨日與紫荊文化集團舉行戰略合作協議簽約儀式,林夏薇、馬國明、胡定欣、黎諾懿等小生、花旦均有出席,場面熱鬧。談到結婚的話題時,馬國明笑言「唔係有時間就結婚」;林夏薇日前分享跳舞短片被指激瘦,她自揭其實「肥咗」,但體重仍未達100磅!

馬國明昨日透露剛拍畢新劇《法言人》,暫未再開劇,將休息兩個月,笑言現在的「正職」是踢波!問到何不趁有空檔迎娶湯洛雯?他笑道:「唔係有時間就結婚嘅,湯洛雯最近去咗澳洲做嘢,自己都有工作,所以冇一齊去。」是否「小別勝新婚」?馬明甜笑說:「小別完之後話畀大家知。」
定欣覓男友怕物極必反

林夏薇日前在社交網分享跳舞短片,有網民指她「瘦到皮包骨」,薇薇聞言笑稱只是角度問題,她說:「我一向都咁瘦,廠有磅,我每日都上磅,最近反而肥咗,快將100磅,自己嘅食量都好大,食好多飯係『飯桶』。開工要好多能量,就算半夜都會食飯、飲湯,食唔肥都係好事。」

胡定欣就談到叫「金牌媒人」林盛斌(阿Bob)介紹內地男友為她練習,定欣直言這是最快的方法,更指阿Bob很有心,比她更緊張,她亦提醒阿Bob別太急進,怕會物極必反。阿Bob亦有問定欣的擇偶條件,她笑道:「其實他這個人選也不錯,可惜已心有所屬,他顧家又事業成功是好榜樣,外表則見仁見智,我覺得他絕對靚仔!」■胡定欣(左三)等花旦均有捧場及暢談近況。

■胡定欣(左三)等花旦均有捧場及暢談近況。
■馬國明(右三)等小生齊出席簽約儀式。
■馬國明(右三)等小生齊出席簽約儀式。
■林夏薇日前在社交網分享跳舞短片。
■林夏薇日前在社交網分享跳舞短片。

其他文章
hd