首頁 日報娛樂

用近代史揭陳凱琳胞弟「西樣之謎」 鄧達智睇唔過眼指林作膚淺 

01/08/2022
時裝回顧
■兩年前鄧達智曾寫下著作《衣路歷情》和《THROWBACK》,獲「第十四屆香港書獎」。
時裝回顧 ■兩年前鄧達智曾寫下著作《衣路歷情》和《THROWBACK》,獲「第十四屆香港書獎」。


早前,似外國人多個似中國人的陳凱琳龍鳳胎胞弟Derek曾被林作抽水,揚言出1,000萬要陳凱琳父子驗DNA做親子鑑定。熟知中西史的時裝設計師兼作家鄧達智(William)睇唔過眼,覺得林作太膚淺:「中國人漂泊去過太多地方,DNA隔兩代先走返出嚟一啲都唔奇,上幾代經歷咗啲乜冇人知。」他認為,只要了解多啲中國近代史就明晒,無必要大驚小怪。採訪:方騫平 攝影:沈健程

鄧達智以往出過超過17本唔同主題嘅著作,今年書展再推出用圖文對照嘅《再見再見再見》,以深情角度,重溫踏足過嘅地方,寫過去人和事。原先還打算寫一本探討已故媽媽外家血統故事的書籍《比百年更孤寂》,但疫情下計劃趕不上預期,飛唔到去厄瓜多爾尋根,故無從落筆,只能延至明年再算。
祖先去南美洲搵食

出身鄧氏大家族的鄧達智,歷代有族譜記載,反而媽咪家族嗰邊資料唔多,他說因為外公嘅爸爸喺「黑鬼埠」死得早,家族資料不詳,他說只知道媽媽嘅爺爺死在「黑鬼埠」,亦相信外公嘅爺爺好大機會都同樣死於當地,同時知道媽媽有外國人血統,而表弟屋企嘅先人位有個鬼婆名,直至十幾年前,居於加拿大的疏堂親戚,曾經去過厄瓜多爾同當地親人團聚,他又聽姑婆講過,早於他曾祖父年代好大機會已去咗南美洲,後來曾祖父仲返嚟帶埋族中兄弟過去謀生,而兄弟後人部份返咗香港,部份仍留在當地開枝散葉,他感慨說:「喺清末時期好窮,為咗謀生乜地方都要去,中國人去過好多地方,因為清末已有遠洋輪船去太平洋,而秘魯更加係太平洋沿岸最早嘅海港之一,所以有啲華人被『賣豬仔』去到秘魯做苦工,辛苦到嘔血身亡,唐人真係好慘。」
隔兩代遺傳唔出奇

因此,William認為陳凱琳細佬生得似外國人一啲都唔出奇:「林作都傻嘅,佢只係認識近代華人歷史太少,DNA隔兩代先走返出嚟一啲都唔奇,好似我咁,細個曲髮似南美洲人,但對下個細佬單眼皮白白淨似足北方人樣,而喺厄瓜多爾開廠嗰個細佬就有墨西哥人樣,我啲姊弟有啲都似歐洲人,媽媽長滿白髮時變咗鬼婆,其實上幾代經歷過啲乜冇人知,華裔唔單止出現喺美國、加拿大,甚至遠至中美、南美嘅墨西哥、秘魯、古巴、加勒比海、牙買家等,印度嘅加爾各答曾經有好多華人生活㗎,只不過冇嘢記錄佢哋,形成有百年孤寂。」

另外,新書《再見再見再見》寫過去的人和事,仲會重提做過頸椎大手術、患上大腸癌及確診新冠肺炎嘅心路歷程,但怕肉麻隻字冇提伴侶陳醫生(陳梓欣)。全城熱話■林作揚言出1,000萬要陳凱琳父子驗DNA做親子鑑定。

全城熱話■林作揚言出1,000萬要陳凱琳父子驗DNA做親子鑑定。
惹人疑惑■陳凱琳有「鬼妹樣」,龍鳳胎細佬就偏似印度人,但陳凱琳姐姐及父母就有中國人樣。
惹人疑惑■陳凱琳有「鬼妹樣」,龍鳳胎細佬就偏似印度人,但陳凱琳姐姐及父母就有中國人樣。
鬼婆媽媽■鄧達智話媽媽開始有白頭髮後變得鬼鬼哋,而他就有南美洲人樣。
鬼婆媽媽■鄧達智話媽媽開始有白頭髮後變得鬼鬼哋,而他就有南美洲人樣。
年輕媽媽■鄧達智媽媽有外國人血統,年輕時輪廓好深。
年輕媽媽■鄧達智媽媽有外國人血統,年輕時輪廓好深。
最後合照■姊弟六人與爸媽最後一張合照,部份姊弟有歐洲人樣。鄧達智(後左一),幼弟(美國)(左二),三姐(英國)(右二),二弟(加拿大)(右一) ;二姐(加拿大)(前左一),父親(前左二),母親(前右二),大姐(加拿大)(前右一)。
最後合照■姊弟六人與爸媽最後一張合照,部份姊弟有歐洲人樣。鄧達智(後左一),幼弟(美國)(左二),三姐(英國)(右二),二弟(加拿大)(右一) ;二姐(加拿大)(前左一),父親(前左二),母親(前右二),大姐(加拿大)(前右一)。
唔似二弟■母親最後一次回多倫多參加孫兒大學畢業禮。鄧達智(左一)、母親(右二)、二弟 (右一)同行,二弟個樣似北京人。
唔似二弟■母親最後一次回多倫多參加孫兒大學畢業禮。鄧達智(左一)、母親(右二)、二弟 (右一)同行,二弟個樣似北京人。
談及愛侶■2018年鄧達智出過著作《星星指引孤身上路》,書中談及伴侶陳梓欣。
談及愛侶■2018年鄧達智出過著作《星星指引孤身上路》,書中談及伴侶陳梓欣。
抗癌勇士■2014年他患上乙結腸癌二期,入院切除3厘米大的腫瘤。
抗癌勇士■2014年他患上乙結腸癌二期,入院切除3厘米大的腫瘤。

其他文章
hd