MIRROR成員蒲頭轉發舞蹈員聲明 阿姐直指舞台危險 張繼聰籲勿怪責AL Edan

MIRROR紅館演唱會開騷前後意外頻生，第四場更出現嚴重意外，其中一位受傷舞蹈員阿Mo（李啟言）傷勢嚴重，有份欣賞頭場演出的汪明荃和張繼聰都表示當晚已覺得舞台危險，綵排不足。阿聰又為Edan和Anson Lo（AL）抱不平，指他們專心演出，未能及時意識到意外發生，更指他們正承受很嚴重的創傷。

汪明荃（阿姐）前晚在活動上表示當晚已覺得舞台危險，「條橋好似唔穩陣，同埋Anson Lo幾個動作、向後倒，其實都好危險！我哋做大戲都有做，但個底會鋪好多榻榻米，佢哋好似冇。」阿姐希望受傷的舞蹈員能大步檻過，稱看過意外片段後都覺得不安。

阿姐又指MIRROR雖是當紅團體，但大型演出的經驗不多，認為在四面台表演已經不簡單，而且今次又多機關，「MIRROR已經人多，再加上舞蹈員，根本唔夠位跳，機關太多，佢哋排練時間又少，一下子上台要記咁多，但又唔熟個台就好容易行錯，其實佢哋個騷未準備好，但我都睇得開心，佢哋好年輕，好有才華。」她又表示主辦單位一定要對事件負責到底。
阿聰指台上表演者最難受

同樣是頭場座上客的張繼聰，昨日在活動上直指MIRROR綵排不足，但不評論太多，自己看過意外片段後都睡不好，希望阿Mo早日康復。事後阿聰有傳訊息給MIRROR，現在最好給他們時間及空間，「好戥佢哋難過，佢哋承受緊好嚴重嘅創傷。」

對有網民指Edan與Anson Lo在事發後仍繼續唱歌，阿聰強調：「佢哋當時正在表演，處於亢奮嘅狀態，我幾肯定佢哋唔知發生咩事。Anson Lo、Edan同阿Mo嘅關係，一定比我哋任何一個人更加密切，點會唔難過？呢一種執生係超越咗我哋平時可以執生嗰種，去到咁大件事，點會反應到？」希望大家不要再用自己的揣測傷害他們。
Alina疑代Stanley發聲

意外發生後，MIRROR成員在公司噤聲指引下，一直沒有更新社交網，消失兩日後，昨日MIRROR隊長Lokman、AK、Edan、Jer、Stanley、經理人花姐及ERROR的肥仔等終於再次在網上現身，他們均轉發了23位有份參與MIRROR演唱會舞蹈員發出的聯合聲明，聲明強調「MIRROR 12子與我們均賣力演出，此刻與我們一起共渡難關，請勿將責任歸咎於該演唱會任何一位表演者。」

此外，Stanley不能在網上發表個人言論，但她的女友李炘頤（Alina）則就事件在網上發文，似要代男友發聲。

阿Mo在事故中傷勢嚴重，更成為全城關注事件，近日傳出有人借阿Mo及他女友、COLLAR成員So Ching的名義籌募醫療費，So Ching Fans Club在網上澄清從未有任何籌募活動。　

另外，由彭秀慧執導，姜濤和Jer主演的英皇電影《阿媽有咗第二個》將於8月11日上映，由於目前MIRROR正全面停工，有傳電影要延期上映，彭秀慧在社交網表示電影會如期上映，但就會低調做宣傳。