首頁 日報娛樂

用「超聲波驅狗器」好危險 陳庭欣成屋寵物男友唔介意

02/08/2022
■Toby變身「動物界」KOL。
■Toby變身「動物界」KOL。

熱愛小動物的陳庭欣(Toby)於疫情下經營「動物踩過界」YouTube Channel,分享寵物資訊。之前她應邀參加動物領養日,協助貓、狗、兔仔及兩棲類動物物色愛心主人。Toby叮囑,飼養小動物前必須要三思,切勿一時衝動。對於早前劉小慧用「超聲波驅狗器」驅走唐狗行為,Toby擔心對其他狗隻都構成危險。

採訪:方騫平


變身「動物踩過界」KOL的陳庭欣之前到荔枝角參與動物領養日,除呼籲領養流浪貓狗外,她又到訪緊急救援棄兔的非牟利機構兔廬(Tolobunny)及兩棲及爬蟲協會(HKHerp),Toby邊拍片邊做訪問,好讓更多人知道,原來除咗狗仔、貓仔外,兔仔、烏龜、蛇、甚至蜥蜴棄養率都好高,好需要愛心人士領養。
上堂學養寵物

另外,Toby更參加領養貓狗課堂:「我覺得呢個做法好好,因為有好多新手主人,就算有啲做緊主人,但做法未必正確,其實養寵物好多學問,而且每隻脾性未必一樣,往往出現行為問題,先要了解基本,從而學會點樣同佢哋溝通。上堂過程中,學到啲寵物冷知識,我尤其欣賞一家四口,父母帶埋子女嚟上堂,唔想小朋友貪得意去領養。」Toby收養咗4隻鸚鵡,屋企共有6雀兩狗,佢強調彩豐行老闆男友楊振源(Benny)都鍾意狗仔,唔介意屋企變身「動物園」。

提到早前劉小慧帶愛犬行山時用「超聲波驅狗器」驅走唐狗行為受爭議,Toby就唔太認識「超聲波驅狗器」,但相信有危險性,「如果驅狗器發出好高頻刺耳聲音,咁所有動物聽到都會受到影響,甚至途經嘅BB,由於耳膜太薄都會不適,以為能驅走唐狗,可能傷埋自己嘅寵物都唔知。」■Toby屋企養咗6雀兩狗,相當熱鬧。

■Toby屋企養咗6雀兩狗,相當熱鬧。
■再去兩棲及爬蟲協會見吓烏龜及蜥蜴。
■再去兩棲及爬蟲協會見吓烏龜及蜥蜴。
■Toby經營「動物踩過界」YouTube channel兩年,有2070人訂閱。
■Toby經營「動物踩過界」YouTube channel兩年,有2070人訂閱。
■到兔廬探訪接受領養嘅可愛小兔Clover。
■到兔廬探訪接受領養嘅可愛小兔Clover。
■Toby唔贊成劉小慧帶愛犬行山時用「超聲波驅狗器」驅走唐狗。
■Toby唔贊成劉小慧帶愛犬行山時用「超聲波驅狗器」驅走唐狗。
■好彩男友愛屋及烏,雀及狗都能融入家中。
■好彩男友愛屋及烏,雀及狗都能融入家中。

其他文章
hd