首頁 日報娛樂

孖張進翹首為動畫配音 岑珈其期待與囝囝一齊睇戲

04/08/2022
■珈其和mansonvibes兩師兄弟雖然同為電影配音,但對手戲不多,所以有點可惜。
■珈其和mansonvibes兩師兄弟雖然同為電影配音,但對手戲不多,所以有點可惜。

岑珈其和同門師弟張進翹(mansonvibes),最近齊為動畫電影《DC超寵聯盟》配音,兩人自小都是動畫迷,一直都幻想可以參與,今次有機會,兩人都表現得相當興奮。而已為人父的珈其,雖然囝囝彥臻只得一歲多未識睇戲,但他希望多參與配音,將來可以同囝囝一齊欣賞。 採訪:杜杜 攝影:Stanley

珈其和mansonvibes得知有機會配音時,極度興奮,珈其說:「細個成日都幻想,如果將來有得試吓配音就好,仲要係配卡通片。」開心的mansonvibes更有誇張舉動,「即刻拎住份稿,全部角色試咗一次,雖然未知自己係咩角色。」作為爸爸的珈其,已幻想第時同囝囝臻臻一齊睇,「如果佢睇卡通片又聽到爸爸把聲,我覺得係件好開心嘅事,所以我嗰時一知道,好開心好興奮。」
瞬間轉移去旅行

戲中珈其聲演識得發閃光的松鼠「阿哨」,而mansonvibes則為會噴出冷風的天竺鼠「基夫」配音。不過如果可以真的擁有超能力,兩人都不希望是這兩種,mansonvibes更搞笑話:「我怕凍,如果再結冰就大鑊!」珈其話最想識得瞬間轉移,「我哋做嘢好忙,好想忙裏偷閒去吓旅行,如果一閃可以去咗日本幾開心,一閃就可以返咗屋企瞓,一閃又開工,哈哈!」提醒他這個超能力要一家大細有先得,否則只有他單拖去旅行,他聽到後即時話要諗諗,見到師兄咁苦惱,mansonvibes馬上出手,「咁我嘅超能力係讓人可以同人一齊有超能力啦!」被珈其大讚夠大愛。

配音過程有一定難度,但珈其和mansonvibes都好希望繼續有機會再配動畫片,「我最大嘅成功感係我囝囝睇,私心想配咗卡通片先。」而mansonvibes認為配動畫片可以天馬行空特別好玩,而他最希望配些類似宮崎駿的作品,「嗰啲卡通片嘅人啲聲好好聽,佢哋講廣東話嘅方法冇咩唔同,但係會夢幻啲。」■珈其希望有超能力可以跟一家人瞬間轉移去旅行。

■珈其希望有超能力可以跟一家人瞬間轉移去旅行。
■珈其好期待等囝囝臻臻長大,一齊睇他配音的作品。
■珈其好期待等囝囝臻臻長大,一齊睇他配音的作品。
■mansonvibes為會噴出冷風的天竺鼠「基夫」配音。
■mansonvibes為會噴出冷風的天竺鼠「基夫」配音。
■珈其聲演識得發閃光的松鼠「阿哨」。
■珈其聲演識得發閃光的松鼠「阿哨」。
■珈其認為配音既要就口形又要就語速,有一定難度。
■珈其認為配音既要就口形又要就語速,有一定難度。
■mansonvibes最鍾意配反應聲,覺得特別好玩。
■mansonvibes最鍾意配反應聲,覺得特別好玩。

其他文章
hd