首頁 日報娛樂

餞別宴被狂集郵老公黑晒面 黃夏蕙笑談性生活︰老夫老妻都有開心嘢

05/08/2022
方寸大亂 ■潘炳烈手指指鬧人影佢相,夏蕙BB即方寸大亂。
方寸大亂 ■潘炳烈手指指鬧人影佢相,夏蕙BB即方寸大亂。

黃夏蕙(夏蕙BB)將於下周四(11日)隨86歲老伴潘炳烈移民美國,上周六晚,夏蕙BB於酒樓舉行餞別宴,《頭條娛樂》記者現場直擊,頭戴皇冠嘅BB滿場飛勁開心,不過老公潘炳烈因不滿變成「吉祥物」,不斷被要求合照而黑晒面,仲嬲到好似小朋友咁雙手托頭,真係好想遞架玩具車畀佢玩呀。BB見狀即諗計呵返,兩位加埋近200歲嘅耆英夫婦好sweet!強調今年「只係」89歲嘅夏蕙BB更自爆性生活依然美滿:「就算老夫老妻都有開心嘢嘅!」真係聽到個心都離一離呀衰鬼。 採訪:方騫平

夏蕙BB人緣唔錯,離港前相約一班老友於酒樓見面,同BB做咗幾十年老友,80歲嘅盧海鵬就算行動不便一樣現身;一班「亞視之友」潘志文、徐寶鳳、魏秋樺、王瑋出晒嚟,仲有邵音音、呂珊、車淑梅夫婦、劉雅麗媽媽包曉華、張偉文經理人方俊及方麗盈等。「千歲宴」每枱設有豐富席獎,台上有切燒豬、醒獅及演出助興。
BB好怕老公發脾氣

當晚方俊及方麗盈齊唱《世間始終你好》;包曉華、呂珊、魏秋樺合唱《萬水千山總是情》。而最受「熟女」歡迎嘅「陳年男神」潘志文,獨唱完《大地恩情》後便跟BB合唱「飲歌」《禪院鐘聲》,主人翁在台上致謝詞:「我好想喊,好唔捨得大家,你哋太錫我……」雖然未見有淚光,但潘志文卻拉高衫尾,作狀幫她抹淚。全晚個個表現興奮,替BB餞行之餘亦跟其他圈中好友敍舊,唯獨夏蕙BB老公潘炳烈好似完全唔關佢事,唔肯上台又呆坐主家席自斟自飲,原來佢不滿入席前不斷被集郵而面燶燶,更發老脾大鬧:「影夠未?」連夏蕙BB都嚇親,乖乖咁坐返埋佢身邊,然後向助手打眼色,示意身邊人幫手護駕,擋開陌生人。
夫妻相處勿講大話

夏蕙BB隨老公赴美,問到可會帶備情趣內衣同老公玩吓驚喜?BB笑言唔需要,自爆兩公婆仲keep住有情趣,她坦白說:「開心嘅嘢……乜嘢都有啦(包括性),就算老夫老妻都有老夫老妻嘅嘢!」再追問如何保持長久火辣辣時?她更興奮地爆多兩句畀大家聽,騎騎笑說:「唔辣點可以有咁多年呀!」更坦言仍有性生活:「呢啲梗係有啦,係順其自然!」不過,講到同老公相處之道,BB就話最重要係坦白:「性生活反而係其次,千祈唔好講大話,就算佢唔鍾意都好,都要坦誠講佢知!而且大家要互相忍讓,有時佢叻畀佢叻,有時我叻畀我叻,大家係平等嘅。」
老公投訴BB唔檢點

在旁方俊補充指夏蕙BB身材好,夠開心,所以老公對她死心塌地,BB照單全收,得戚地和應一句:「係呀!我身材好。」經理人Simon則踢爆夏蕙BB其實好wild,笑指她打開「野戰」:「有次送佢去新田垃圾站,老公接咗佢之後,兩公婆好快就『消失』咗!據我所知,佢一返到屋企就唔着衫唔着褲,潘Sir曾投訴過佢:『你檢點吓,拉咗窗簾先啦!』」BB聽完偷笑解畫:「可以放心,唔係咁樣,只係除晒衫準備入去沖涼,呢啲係好自然嘅事,但佢驚我畀人睇到啫!」無聲抗議 ■潘炳烈雙手托頭,無聲抗議做咗「吉祥物」。

無聲抗議 ■潘炳烈雙手托頭,無聲抗議做咗「吉祥物」。
女神造型 ■黃夏蕙頭戴皇冠,以女神造型現身。
女神造型 ■黃夏蕙頭戴皇冠,以女神造型現身。
終於識笑 ■好彩後來有相熟朋友同佢有傾有講,潘Sir先識笑。
終於識笑 ■好彩後來有相熟朋友同佢有傾有講,潘Sir先識笑。
寶箱禮物 ■車淑梅送上精緻嘅寶箱禮物。
寶箱禮物 ■車淑梅送上精緻嘅寶箱禮物。
豐富佳餚 ■當晚菜單有燒味拼盆、炸蝦、花膠及蒸龍躉等。
豐富佳餚 ■當晚菜單有燒味拼盆、炸蝦、花膠及蒸龍躉等。
有緣相聚 ■盧海鵬及張偉文經理人方俊都係黃夏蕙老友。
有緣相聚 ■盧海鵬及張偉文經理人方俊都係黃夏蕙老友。
不忘行善 ■夏蕙BB不忘行善,邀請賓客為黃夏蕙基金會籌款。
不忘行善 ■夏蕙BB不忘行善,邀請賓客為黃夏蕙基金會籌款。
恩愛夫妻 ■夏蕙BB同老公恩愛幾十年。
恩愛夫妻 ■夏蕙BB同老公恩愛幾十年。
感動想喊 ■夏蕙BB台上話感動到想喊,潘志文扯起衫尾,作狀幫她抹淚。
感動想喊 ■夏蕙BB台上話感動到想喊,潘志文扯起衫尾,作狀幫她抹淚。
開心表演 ■曉華姐放下家事跟呂珊、魏秋樺合唱助興,她向本報再次否認私吞帛金,強調人在做天在看 !
開心表演 ■曉華姐放下家事跟呂珊、魏秋樺合唱助興,她向本報再次否認私吞帛金,強調人在做天在看 !
變千歲宴 ■當晚嘅出席朋友,大部份上咗年紀。
變千歲宴 ■當晚嘅出席朋友,大部份上咗年紀。

其他文章
hd