首頁 日報娛樂

同居互相遷就少嗌交 靚湯猛讚馬明好相與

06/08/2022
■靚湯指馬明曾想跟她一起去澳洲開工。
■靚湯指馬明曾想跟她一起去澳洲開工。

「靚湯」湯洛雯昨日出席公開活動,談到和男友馬國明的同居生活時,她透露會互相遷就,同居不會嗌大交。靚湯亦和馬明同一口徑,稱是因為早前疫情嚴重,為減低家人染疫機會才與馬明租屋同居,疫情緩和就經常各自返家了。

湯洛雯(靚湯)昨日透露,早前拍完劇,因胃炎休息一個月,本月尾會到澳洲工作,笑指可能男友馬國明會覺得好開心、好自由,又爆男友想跟她一起去,但因隔離及工作而擱置。談到和馬明的同居生活,靚湯解釋早前因疫情嚴重,怕開工後有機會被感染而傳給家人,所以兩人在將軍澳租屋,現在疫情緩和後大家都經常各自返家,之後應該不會繼續租住。
「嫁得過先拍拖」

問到兩人同居生活如何,靚湯說:「都OK嘅,兩個都唔係難相處嘅人,我哋都係比較就得對方,加上佢唔係特別好多要求、我又冇乜所謂,(冇嗌交?)當然都有少少,都係好小事,我哋有咩都會講,唔會變嗌交。」問到馬明是否嫁得過?靚湯怕醜地說:「大前提都係嫁得過先拍拖,(有冇傾結婚?)有討論過,但都係嗰句,我哋有就會公佈,始終而家比較混亂,都唔想plan任何嘢住。」

對於爸爸湯鎮宗早前接受內地傳媒訪問,鼓勵她離巢外闖,靚湯認為爸爸的意思是希望她作多方面發展:「我仲有一段時間喺公司,仲有約。(想到內地發展?)邊度有商機就去邊度,可能佢(馬明)返去先呢,呢個商機似乎佢多啲,當然去邊度都冇乜所謂。外國有工作當然非常歡迎,最好係我哋可以一齊去工作、旅行。」
陳欣妍「大開側門」

同場的陳欣妍(Shirley)「大開側門」晒身材,她說事前沒預計那麼性感,問到男友沈震軒是否批准?她說:「冇呀,佢都相信我啲審美眼光嘅,最主要感覺健康。」Shirley笑言男友之前有接近兩年不在港,所以現在不讓他離港,很多人問她可有結婚打算,但她和男友都想再專注事業多一、兩年,她亦想有代表作,笑言功德圓滿就可以結婚了。

Shirley又透露,最近忙於拍廣告,早前就有為ViuTV拍行山節目,更在最熱的幾日開工真的好曬好熱,並要由朝行到晚,幸好沒有中暑。■靚湯和馬明因疫情嚴重已租屋過二人世界。

■靚湯和馬明因疫情嚴重已租屋過二人世界。
■陳欣妍稱性感亮相不用男友批准。
■陳欣妍稱性感亮相不用男友批准。

其他文章
hd