首頁 日報娛樂

李思捷失威輸一萬 聲大大靠嘈取勝哈比女團

11/08/2022
■「哈比女團」五個成員,人仔細細聲大大。
■「哈比女團」五個成員,人仔細細聲大大。

由李思捷主持的遊戲節目《思家大戰》第二集請來黃美棋率領的「哈比女團」隊,對戰吳偉豪一家的「各位觀眾吳條煙」隊,兩隊在身高上十分懸殊,但五個哈比囡囡勝在聲大大,全場以音波功「強攻」對方。

在周日(14日)播出的第二集嘉賓,可能是《思家大戰》開播以來最強身高差,雖然五大哈比囡囡人仔細細,但勝在聲大大,全程We嘩鬼叫,以「音波功」強攻吳家猛男。

節目一開始,吳爸爸大爆原來今次參賽,是他親自上網填form報名,因一直是原版的忠實粉絲,今次更能吳家全男班上節目,自然開心莫名。

「哈比女團」的波波黃婧靈向來語不驚人死不休,她搞笑自稱「智慧波」:「因為我冇,所以喺個名加番啲智慧。」可惜講完唔夠10秒即估錯答案,要一洗「老鼠屎」污名仍有難度。是集最惹爭議的問題為「冇搭飛機咁耐,最掛住飛機上嘅咩?」鄺潔楹搶答「機長廣播」,思捷聽完唔多睇好謂:「咁貴買張機票聽段廣播,我講畀你聽咪得囉。」思捷更大口氣豪言:「如果(鄺潔楹)中嘅,我畀返一皮你!」豈料一語成讖,遭五女chur住「磅水」,場面爆笑。■吳偉豪一家高大威猛,與「哈比女團」成為最強身高差。

■吳偉豪一家高大威猛,與「哈比女團」成為最強身高差。

其他文章
hd