首頁 日報娛樂

簽約新公司望舉行個唱 陳葦璇自爆曾做傻瓜女友齋啞忍

12/08/2022
■外表剛強的葦璇,原來以往拍拖經驗都是做傻瓜比較多。
■外表剛強的葦璇,原來以往拍拖經驗都是做傻瓜比較多。

陳葦璇最近簽約環球唱片,推出出道以來首支慢歌《一個傻瓜一個啞》,她自言是親身經歷,以往曾是個傻瓜女友,有不滿都只會啞忍,最後搞到情緒爆煲分手收場。簽約新公司,葦璇坦承最希望能夠舉行首個個人演唱會,但自知根本不夠歌,所以目前首要任務先推出更多新歌,嘗試更多不同曲風。 採訪:杜杜 攝影:沈健程
服裝:theoutnet 場地:馬哥孛羅香港酒店

葦璇簽新公司推出第一首歌,令人驚訝不是她最擅長的跳唱快歌,她解釋心態就跟參加《全民造星III》決賽時,選唱了林憶蓮的《願》一樣,「細個參加好多歌唱比賽,100場得一、兩場會唱慢歌,都係規定一定要唱先唱,今次對我嚟講係全新出發,要改變一下自己,就算幾驚都好,一定要踏出嗰一步。」
破紀錄花80個鐘錄音

最終葦璇破個人紀錄,花了80個鐘才能完成錄音,初期是未搵到唱慢歌的感覺,後期因她拍完MV投放感情更到位,監製舒文決定重頭再錄。演繹完MV角色令葦璇有轉變,只因她以往拍拖也有類似經歷,「通常對方去旅行或者出trip,每日都會報到,嗰時我知佢有啲嘢煩,出trip連續4日都唔搵我,雖然我心情係非常糾結,但都係選擇唔去爆佢,可想而知我係個幾忍得嘅女朋友。」不過,結果她忍無可忍,年多後分手收場,所以她現在跟拍拖多年的舞蹈員男友,會選擇多溝通,她甜住話:「都係一個保鮮嘅秘訣嚟㗎!」

講到跟新公司合作目標,葦璇最希望兩年內開到首個個人演唱會,「我最想儲多啲大家熟嘅歌,有代表性嘅歌,然後可以開concert,嗰時《造星III》決賽,因疫情係一個觀眾都冇,我真係想感受一次full house好多人嘅演唱會,對於演唱會我係有好多諗法,因為我平時都係睇Lady Gaga同埋Beyonce嘅Super Bowl,哈哈!」不過葦璇自知未夠歌開騷,暫時首要目標都是多製作新歌。
■早前葦璇拍鮮浪潮作品《九龍皇帝》,扮古裝做打女,令她愛上演俠女角色。

■早前葦璇拍鮮浪潮作品《九龍皇帝》,扮古裝做打女,令她愛上演俠女角色。
■葦璇坦承拍完《一個傻瓜一個啞》MV後,對投入情感很有幫助。
■葦璇坦承拍完《一個傻瓜一個啞》MV後,對投入情感很有幫助。
■《造星III》決賽因為疫情不設現場觀眾,令葦璇更加恨開騷。
■《造星III》決賽因為疫情不設現場觀眾,令葦璇更加恨開騷。
■葦璇在《一個傻瓜一個啞》MV首度跟黃定謙合作,更獻出熒幕初吻。
■葦璇在《一個傻瓜一個啞》MV首度跟黃定謙合作,更獻出熒幕初吻。
■現實中,葦璇是個愛打理家頭細務的溫柔女友。
■現實中,葦璇是個愛打理家頭細務的溫柔女友。
■葦璇在《造星III》決賽選唱《願》,她坦承為衝破自己心理關口。
■葦璇在《造星III》決賽選唱《願》,她坦承為衝破自己心理關口。

其他文章
hd