首頁 日報娛樂

酒店享受二人世界 ToNick恆仔箍實小花海旁調情

12/08/2022
■恆仔同小花真係好好傾,不過可能太熱小花拉低咗口罩。
■恆仔同小花真係好好傾,不過可能太熱小花拉低咗口罩。

首先恭喜ToNick主音趙善恆(恆仔),不久前憑《一秒拳王》電影主題曲《時間的初衷》拎到金像獎嘅「最佳原創電影歌曲獎」。日前嘅周六,恆仔同女友譚杏藍(小花)現身西貢,因為女方件衫同襪都係橙色,咁鬼搶眼自然望多兩眼,發現原來係佢哋,之前睇小花訪問,佢話兩人拍拖十年都有好多嘢講,記者跟住佢哋行咗一陣,果然冇吹水。 採訪:金泰亨

小花之前接受電台訪問,透露自己因為欣賞恆仔才華所以力追,話咁快十年。兩人好享受拍拖,未有結婚計劃,問到相處之道,小花就咁講:「首先互相尊重好緊要,到今時今日,我就算只係見一見佢都會有心動感覺。」
爽到爆炸Staycation

當日,一身橙嘅小花同令佢心動嘅恆仔現身西貢,兩人漫無目的喺海旁行街,雖然係情侶,但兩人冇拖手,突然間恆仔箍實小花條頸行咗一陣,見兩人得個行字,偶然望吓碼頭邊嘅海鮮船仔,行咗無耐就返轉頭行返入市區。事後睇小花IG,終於明確知道兩人當日行程,佢哋去咗食意粉做lunch,跟住喺西貢市行街影吓貓,然後就去咗白沙灣嘅酒店Staycation,第二日又去游水同做SPA,做之前仲上咗酒店頂樓嘅酒吧歎香檳,節目好豐富。■恭喜恆仔早前攞獎。

■恭喜恆仔早前攞獎。
■撐枱腳食意粉,唔見樣但有心心emoji嘅當然係恆仔。
■撐枱腳食意粉,唔見樣但有心心emoji嘅當然係恆仔。
■恆仔出po話自己整親,女友呵番之餘仲讚佢「紗布都遮蓋唔到佢嘅才氣」。
■恆仔出po話自己整親,女友呵番之餘仲讚佢「紗布都遮蓋唔到佢嘅才氣」。
■去到酒店當然爭取時間游水。
■去到酒店當然爭取時間游水。
■恆仔突然箍實小花,後者應該習慣男友玩失驚無神。
■恆仔突然箍實小花,後者應該習慣男友玩失驚無神。
■兩人沿途冇拖手,唔算親暱。
■兩人沿途冇拖手,唔算親暱。
■做SPA前飲番杯先。
■做SPA前飲番杯先。

其他文章
hd